RB阿正雪山求婚冧爆女友

Rubber Band（RB）隊長兼結他手馮庭正（阿正）公佈喜訊，與相戀三載的大馬女友黃淑玲（Sherine）正式拉埋天窗，均是教徒的二人以基督教儀式行禮，更發表愛的宣言互冧對方！雖然他們都很喜歡小孩子，但阿正表示想先過二人世界。 早前二人到越南拍婚紗照，求婚則在去年歐洲浪漫之旅進行。阿正笑說：「我粒求婚戒指日日帶喺身度，成日擔心唔見咗，又擔心過海關時被發現，因為我好保密，我日日將粒戒指放喺心口度，嗰日去到瑞士Zermatt雪山上，我就向佢求婚，佢應承咗收埋隻戒指我就放心，唔使我再袋住嘛！」阿正對太太讚口不絕，更公開愛的宣言：「I love you not only for what you are, but for what I am when I am with you!」 新娘子Sherine雖然埋怨阿正沒預早通知，害她沒準備好扮靚靚上雪山，但對於阿正在雪山上求婚覺得很新鮮有新意，令她一世難忘。她說：「因為當時雪山上有好多人，阿正就跪地求婚，我嚇到呆咗，現場有好多人做見證，我真係好驚喜，佢拎隻戒指出嚟我好感動，現場有其他旅客拍手叫好，有人走埋嚟一齊影相、恭喜，又有人讚咁求婚好浪漫！」Sherine亦大讚阿正忙於工作同時，仍對她十分細心體貼，她覺得忙中細心是阿正的大優點。至於她對阿正愛的宣言是：「Love is bringing out the best in each other, Let''''s grow old together, you always!」Sherine又表示，他們會在年底才返馬來西亞補擺喜酒，因為她在港剛簽了經理人公司，計劃出新碟，阿正亦會協助作曲及做唱片監製。