The Rock醜聞連環爆！拍新片用樽裝小便 傳推無料打雜舅仔做CEO︳電影LOL

有幾紅就有幾多新聞！早前CinemaCon迪士尼搵The Rock神秘現身介紹年尾上映嘅動畫片《魔海奇緣2》，唔少行內人覺得加晒分。外界對大隻佬親民形象相當受落，但係自從《黑亞當》仆仆地之後，呢個光環好似冇咁光。

近期The Rock又有2單八卦料被爆。首先，The Rock拍緊同「美國隊長」Chris Evans合演、今年聖誕檔上映嘅動作喜劇Red One，但有報導話The Rock開工時超級唔專業，遲到係遲8個鐘，成組戲咁耐！有幕後講得幾好笑，佢話The Rock「拍呢套戲最堅持嘅係『堅遲』，一日開唔到工四五個鐘」，呢個講法同之前傳佢拍《生死時速》時嘅傳聞又幾吻合喎，但係片商就否認因為The Rock遲到搞到超支。

另一個難搞之處係，The Rock拍Red One時，如果要去廁所，佢寧願好似傳說中揸車搵食搵唔到洗手間嘅司機大佬咁「入樽」，完事後就叫人處理……

開工難搞以外，尋日又有人爆料話，喺前年DC前CEO濱田華特走人時，同DC合作緊《黑亞當》嘅The Rock，本來想安插前妻細佬Hiram Garcia做DC CEO。呢位舅仔Hiram 20年前本來只係拍戲冇耐嘅The Rock個打雜，負責斟茶遞水。正所謂水鬼升城隍，The Rock人氣上升，舅仔Hiram就跟住上位，2011年拍《生死時速5》升任成為The Rock嘅Creative Assistant，後來仲做埋The Rock所開設嘅製作公司Seven Bucks嘅高層。但問題在於，有行內人話，舅仔Hiram根本無料到，只係識湊The Rock，即使喺行內多年，好多製作上嘅事情佢都係唔識。咁嘅質地，The Rock仲想推佢做DC CEO？唔難理解嘅……

更多電影文章

電影LOL 今期睇咩戲︳九龍城寨．圍城／從今以後／犯罪都市：鐵拳清算／挑戰者／劇場版 GIVEN 被贈與的未來 -柊MIX-

電影LOL︳19歲哈佛華裔男生Wesley Wang自製短片一炮而紅 升呢做荷里活編劇導演

電影LOL︳李安成名作《囍宴》翻拍 陳沖尹汝貞Lily Gladstone三大女星參演

電影LOL︳80年代女神波姬小絲 宣布角逐美國舞台演員工會主席

電影LOL︳《壞蛋獎門人4》夾計 NBA球星腩肉哥Jokic變身犀利哥

電影LOL︳安夏菲慧爆曾被要求試鏡同十個男人錫咀 直言「好嘔心」

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！