ViuTV掃街達人|25歲居台港女許綽婷成金剛新拍檔 花名叫AV有原因?

·2 分鐘文章
許綽婷 (AV)
許綽婷 (AV)

ViuTV綜藝節目《ERROR自肥企画》已播映完畢,由金剛同許綽婷(AV)主持嘅飲食節目《掃街達人》接力播出,節目走遍全台灣大街小巷介紹一系列嘅美食。首集節目入面,金剛私心同觀眾介紹同女友小嫻喺台南墾丁大街開設嘅雞翼攤檔,兩位主持嘅交流亦令節目生色唔少,金剛除咗取笑許綽婷鼻大,二人更加以廣東話、國語同埋台語講笑,首次合作已經好有火花,默契十足。

女主持許綽婷其實今年只得25歲,仲係一名香港土生土長嘅女仔,只係因為鍾意台灣嘅慢活生活態度,所以中學畢業後就去到台中亞洲大學(Asia University, Taiwan)修讀外文系課程,仲決定留喺台灣發展。許綽婷之所以叫AV,係因為其英文名叫Avenna,所以就以首兩個英文字母「AV」嚟稱呼自己。

許綽婷仲喺兩年前開設個人影片頻道《AV IN TAIWAN》,以全職YouTuber身份拍片記錄「在台港妹」嘅日常點滴,全部影片都係親自拍攝、剪接同後製,頻道至今已有58.9K訂閱者(截至27/5),仲有唔少網民留言表示許綽婷自然又唔造作,又靚又有氣質,仲話佢似蒙嘉慧同埋有鍾楚紅嘅氣質:「佢……甜過糖, 純過水,動過蝶,嬌過花」、「最美的港妹是此位」、「無敵可愛~小清新」等等;而舊年一條介紹雲林嘅影片更加有291K收看次數,亦係最多人睇嘅一條片。

許綽婷曾經就講過佢嘅夢想係成為旅遊節目主持,而其實佢喺2019年已經為無綫J2台拍攝過多個旅遊節目,包括《背包女行》、《旅行記·台北之外》、《台灣甜蜜密》、《台灣玩得過癮》。不過,喺舊年佢就決定過檔ViuTV,首個工作就係為旅遊節目《當遊客不存在》擔任主持,喺疫情下帶住大家走訪台灣旅遊熱點。

金剛 & 許綽婷 (AV)
金剛 & 許綽婷 (AV)
金剛 & 許綽婷 (AV)
金剛 & 許綽婷 (AV)
金剛 & 許綽婷 (AV)
金剛 & 許綽婷 (AV)
許綽婷 (AV)
許綽婷 (AV)
許綽婷 (AV)
許綽婷 (AV)
許綽婷 (AV)
許綽婷 (AV)
許綽婷 (AV)
許綽婷 (AV)
許綽婷 (AV)
許綽婷 (AV)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能