Yanny@Lolly Talk著超低胸上衣現身沙灘音樂節 網民:呢件真係衫嚟?
《The Nextwave 沙灘音樂節》於上月29日至30日喺愉景灣舉行,主辦方邀請Tyson Yoshi、陳柏宇、YT周殷廷、艾粒、Lolly Talk、JACE陳凱詠及「四堅情」賴晏駒、陳零九、邱鋒澤同黃偉晉等等演山,陣容鼎盛。女團Lolly Talk喺首日進行演出,成員們都以性感造型現身, 跳舞擔當嘅Yanny喺表演完結後將靚相上載到社交網站,結果大獲網民好評。
女團Lolly Talk性感現身首日沙灘音樂節,Yanny喺表演完結後喺社交網站出PO,寫上「大家見唔見到自己呀?我同YoG經常去台右同大家玩haha 今日氣氛好好 好鍾意大家係台下一齊大合唱 Thank you @the_nextwavehk 下次 LT兩周年活動見 @lolly.talk」,並上載多張靚相與網民分享,喺照片中嘅Yanny著上綠色超低胸上衣,好身材表露無遺,獲大批網民激讚,例如「太hot鳥吧」、「深夜出呢個post 叫我睇完點訓得著呀 Btw兩週年活動見!」、「犯晒規」、「哇,索爆」、「辣爆yanny」、「呢件真係衫嚟?」及「隊長嚴重犯規」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!