電影LOL︳網民用A.I惡搞二創Pixar畫風海報 玩有味meme圖教壞細路？

網絡熱潮一波接一波，早排潮玩美國高中畢業照風，依家又嚟「Pixar風」，不過迪士尼應該唔會因為熱潮而高興！AI玩法越嚟越多，Microsoft旗下嘅Bing Image喺設計呢方面相當出色，有網友發現，只要俾簡單指令Bing Image，即刻得到Pixar動畫風海報，非常像真！

「Pixar風」好快傳遍TikTok等社交媒體，由最初可可愛愛幫自己竉物、小孩整張海報，自製電影海報開心下，慢慢延伸成影射時下事件嘅Meme圖，越多人玩就開始失控，大量帶有岐視、得罪人、有色情意味及冒犯性嘅「Pixar風」圖片湧現網絡，玩到變哂質！

根據外媒TechSpot報導，因為美國侵權法例存有灰色地帶，暫時只知AI作品不能註冊商標，並未能明確追究AI人工智能製作嘅作品侵權，所以一向告人同禁內容好快手嘅迪士尼，今次未有行動。不過相信迪士尼唔會坐視不理，應該已經同Microsoft溝通過，因為再用Bing Image出畫，Pixar個Logo已經變咗樣

相關版權法例相信會随住AI發展演變，不過依家追求政治正確嘅年代，相信就算告唔到侵權，內容太敏感一樣會被社交媒體審查及禁止，所以大家玩還玩都係唔好玩得太過份！

AI智能技術喺平面設計上相當出色，動畫、真人效果仲差少少，好似迪士尼自己出品嘅劇集《變形女俠：律政英雌》無用臨時演員轉用AI技術取代，畫面見到2個目無表情、一睇就知係假嘅演員，好出戲吓！不過AI技術進展神速，相信不久將來輕易可以以假亂真，難怪美國演員、編劇要罷工抗議，唔係將來輕易被取代，有技藝都無工開！

更多電影文章

電影LOL 今期睇咩戲︳年少日記／飢餓遊戲前傳：鳴鳥與靈蛇之歌／血腥假期

電影LOL︳總理都撐！泰國驚嚇笑片《送葬人》上映未夠一個月狂收7億泰銖

電影LOL︳傳奇天后Edith Piaf自傳 用A.I重現本尊聲音做旁白

電影LOL︳Marvel搵《復仇者聯盟》舊人救亡風聲四起 「黑寡婦」Scarlett Johansson咁回應

電影LOL︳7500萬美元幾乎倒落海 華納本賜死《小鳥嗶嗶》真人動畫電影 一個原因救返

電影LOL︳Y2K青春片Mean Girls翻拍音樂劇版 當年女主角變晒中女拍超市廣告

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！