電影LOL︳傳奇天后Edith Piaf自傳 用A.I重現本尊聲音做旁白

人工智能絕對係今年科技界話題，Chat GPT令大家見識到A.I有幾厲害。廿幾年前史匹堡拍套戲講A.I，而家有片商用A.I拍套戲。

華納音樂宣布將會推出西洋歌壇天后Edith Piaf嘅傳記紀錄片Edith，並且會以A.I人工智能重現Edith Piaf聲音，為自己嘅紀錄片擔任旁白。Edith Piaf嘅著名作品La Vie en rose，正正係陳百強《粉紅色的一生》嘅原作。

Edith以動畫加插當年Edith Piaf嘅電視演出、舞台片段甚至私下生活片段，刻劃1920至60年代天后嘅音樂里程。根據報導，製作團隊以數以百計嘅Edith Piaf聲音片段同硬照，訓練A.I產出貼近本尊嘅聲音畫面，務求真實重現Edith Piaf一生。暫時未知Edith呢套片幾時有得睇。

2007年嘅Edith Piaf傳記片《粉紅色的一生》，令Marion Cotillard登上奧斯卡影后寶座。近年唔少影帝影后都係演人物傳記片而攞獎。萬一連傳記片都可以用A.I將個人物真實重現甚至「翻生」，咁以後啲演員想攞獎仲可以拍咩戲？難怪荷里活演員公會早排罷工嘅其中一個原因，係未能夠同片商就做用A.I方面達成協議。

更多電影文章

電影LOL 今期睇咩戲︳年少日記／飢餓遊戲前傳：鳴鳥與靈蛇之歌／血腥假期

電影LOL︳Marvel搵《復仇者聯盟》舊人救亡風聲四起 「黑寡婦」Scarlett Johansson咁回應

電影LOL︳7500萬美元幾乎倒落海 華納本賜死《小鳥嗶嗶》真人動畫電影 一個原因救返

電影LOL︳Y2K青春片Mean Girls翻拍音樂劇版 當年女主角變晒中女拍超市廣告

電影LOL︳聲勢不及Netflix Disney+ Apple TV＋買起Snoopy搶收視

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！