花姐開腔澄清「燒雞圖」 姜濤爆汗回應隊友Frankie疑似出軌爭議：俾空間佢處理

MIRROR成員姜濤今日（22日）爆汗現身慈善跑活動，對於近日隊友Frankie陳瑞輝女友被連環爆黑料，Frankie亦陷出軌疑雲，姜濤直言「俾啲空間佢」，而經理人花姐亦現身受訪澄清日前「燒雞事件」。

Frankie及女友連日受出軌等傳聞影響，今日姜濤受訪時就表示有關心隊友，不過覺得要俾空間對方：「我覺得人哋嘅私人事情，我哋都係俾返啲空間佢哋自己去處理，我哋都唔方便講人哋嘅嘢。」至於被問及日後拍拖會唔會唔敢公開，佢就坦言：「尊重對方意願啦。仲未有另一半，等將來發生咗再睇吓點。」姜濤亦強調隊友都有關心Frankie，不過最緊要俾空間佢。

另外，花姐日前於社交平台出Po燒雞相「好食，但難HANDLE，我嘅性格會選擇唔食」被指有弦外之音，今日佢都罕有受訪澄清指當日係MIRROR成員綵排期間請食燒雞，但因為自己有濕疹，餐廳又冇提供膠手套，所以真係處理唔到（隻燒雞）。花姐仲爆出Story後MIRROR成員更直言：「花姐『奶嘢』啦今次！」

花姐亦回應Frankie事件並透露有關心佢心情，認為佢有成熟處理事件，更「擺姜濤上枱」希望佢早日拍拖：「Frankie都咁大個人啦，其實大家俾個空間佢處理啦。」