《中年好聲音》曹敏寶被傳介入梁浩銓婚姻 IG首度出PO回應

TVB綜藝節目《中年好聲音》第一季參賽者梁浩銓近日驚傳婚變，被指因曹敏寶（Mable）介入而導致與懷孕老婆分居，而梁浩銓喺回覆傳媒時承認與老婆關係出現問題，現時處於分居狀況，不過佢就強調同曹敏寶無關，佢哋只係好朋友，而曹敏寶喺噚日（28日）喺IG首次發聲回應事件。

曹敏寶及梁浩銓喺參加《中年好聲音》時已經傳出緋聞，有網民發現二人喺《中年好姻緣》中嘅互動親密，梁浩銓仲試過當眾示愛，當被曹敏寶問鍾意邊個多啲嘅時候，梁浩銓即刻回答話「我梗係鍾意曹敏寶多啲喇」 ，成功博得紅顏一笑。之後，二人喺即興唱出《你最珍貴》時，二人含情脈脈望住對方，女方更一度撫摸男方塊面。除此之外，梁浩銓手上紋有「MC」二字嘅紋身，與曹敏寶嘅英文名簡寫不謀而合。事後男方解釋「MC」係代表囝囝Matthew及老婆Cheresa，與曹敏寶無關。

曹敏寶及梁浩銓分別已有家庭，對於二人被爆疑有不倫之戀，梁浩銓就承認與老婆關係出現問題，處於分居狀況中，不過就與曹敏寶無關。事件發酵超過一日，喺噚日下午曹敏寶亦喺IG首次發聲，上載自拍照，引用村上春樹名言留言話：「沒有什麼人喜歡孤獨，只是討厭失望而已。- - - 村上春樹#患難才見真情 #你若盛開清風自來」 。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！