《全民造星V》黃泓祖Taco冇否認簽Sony 成首位參賽者簽約唱片公司？

20歲嘅黃泓祖（Taco）擅長Rap同Freestyle，喺參加《全民造星V》初期因撞樣八兩金及一頭橙髮而引起網民關注，加入馮允謙（Jay Fung）及韋羅莎（Rosa）嘅藍組「Fung莎星辰」後表現亮眼，曾試過上台表演時忘記歌詞，即時應變freestyle一段rap，令導師及網民嘆為觀止，大讚佢有急才。Taco喺《造星V》決賽先與肥仔表演扮老人合唱《Uncle》，再表演原創歌曲《To Hip Hop》，最終以第7名完成比賽。最新有消息指Taco已獲Sony唱片公司簽約成為旗下藝人，成為《造星V》最早加入唱片公司嘅參賽者。

Taco簽約Sony唱片公司其實係有跡可尋，喺早前播出嘅ViuTV音樂節目《Chill Club》，佢已經同Sony旗下歌手陳柏宇、小塵埃及Paula區子琳一齊擔任嘉賓，期間仲以自己Rapper嘅身分”CotaBoii”與Paula合唱新歌《甩身》，而Sony亦有喺社交網站出宣傳PO，除咗有tag Taco之外，仲寫上：「Paula連同Taco @cotaboii 即將喺今個星期五推出嘅新歌！」

而Taco對於簽約Sony唱片公司一事，佢並冇作出否認，仲話自己唔抗拒簽唱片公司，趁後生都想試多啲唔同方法去做音樂。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！