《愛美麗狂想曲》陳瀅大膽性感演出成焦點 網民瘋狂cap圖兼讚索

無綫劇集《愛美麗狂想曲》有唔少靚女助陣，佢哋仲輪流派福利，李佳芯（Ali）半裸大露背、朱智賢（Ashley）低胸蒲bar等相繼性感上陣後，噚晚嗰集終於輪到陳瀅（Jeannie）喇！劇情講到唐仁（蕭正楠飾）與性格男仔頭嘅小勇（陳瀅飾）結婚，不過佢對小勇非常冷淡，仲多次避忌發生親密行為。小勇為咗查出真相，於是著上性感喱士內衣及黑絲加襪帶，外面披上粉紅色浴袍。之後，佢再用長腿撩開唐仁嘅浴袍。之後小勇發現唐仁偷算佢嘅生理期，唐仁知道小勇唔鍾意小孩，不過又好想完成父親傳宗接代嘅心願，所以先出此下策。

呢集出街後，陳瀅嘅性感造型及大膽演出即時成為網民焦點，唔少網民仲紛紛留言大讚佢好正，例如呢段出街後，陳瀅嘅性感造型即時成為焦點，唔少網民仲紛紛留言大讚佢好正，例如「陳瀅好正」、「陳瑩（瀅）好索」、「有d料到咁wo」、「黃翠如自卑未？」、「陳瀅同蕭正楠喺呢套劇做得好好，有火花。」、「陳瀅好搏喎」及「嘩！瘋狂cap圖！」等等。

喺接受傳媒訪問時，Jeannie就話雖然視覺上好性感，不過其實一啲都唔性感，因為佢同蕭正楠嘅角色調轉咗，小勇係男人婆，而唐仁就係一個娘娘腔。就算拍激情戲或穿著睡衣，都係陳瀅做主動，所以係一啲都唔溫柔、浪漫或者性感。另外，Jeannie仲話原本安排嘅睡衣仲性感，不過最後被叫著返衫同著一對絲襪，可能要著多一條褲，如果唔係就會多咗。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！