《白色強人II》內地率先播 李佳芯有望回歸?

《白色強人II》內地率先播 李佳芯有望回歸?
《白色強人II》內地率先播 李佳芯有望回歸?

無綫劇集《白色強人II》近日於內地網站率先播出,當中最令人關注嘅,絕對係視后李佳芯飾演嘅「Kennis」一角嘅去向,事關上輯結尾其角色做無國界醫生時,被軍人用槍指頭生死未卜,而現實中李佳芯亦曾被指因雪藏而飛出劇集,不過劇集一開頭就交代原來Kennis消失咗足足兩年,而好姊妹「Zoe」唐詩詠就為咗等佢返嚟,一直唔同「唐明」馬國明復婚,其中馬國明講到:「都兩年啦,中國領事館同嗰邊反政府軍都周旋咗咁耐都冇消息,我知好難接受,但你真係覺得Kennis真係仲可以返嚟咩?」唐詩詠則堅定表示:「我條伴娘裙係留俾佢㗎嘛,冇佢其他人唔準着。(咁如果佢真係返唔到嚟?)咁你陰功啦,做寡佬啦!」

李佳芯上輯生死未卜。
李佳芯上輯生死未卜。
現實中就因被雪藏而飛出劇集。
現實中就因被雪藏而飛出劇集。

之後,唐詩詠仲播出Kennis出事前錄音:「Zoe,Kennis呀!你知唔知呢我頭先瞓覺發夢嗰陣夢見啲咩呀?我夢到我結婚嗰日着住婚紗走入教堂,仲有一個細佬女幫我做花女,原來嗰個係你同唐明個女嚟㗎!咁即係話,我唔會有事,我仲可以有命走入教堂,我仲可以有命睇住你同唐明結婚生仔,不過你唔好話畀你未來老公聽喎,OK?」場面感人,亦令唔少網民好有信心李佳芯或會以客串形式回歸劇集!

不過劇情講到佢下落未明,唐詩詠仲話要等佢返嚟先結婚。
不過劇情講到佢下落未明,唐詩詠仲話要等佢返嚟先結婚。
意味住佢仲有機會回歸!
意味住佢仲有機會回歸!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能