《盛.舞者》首集網民反應 介紹參賽者影片夠誠意 王君馨做導師惹質疑

·3 分鐘文章
《盛·舞者》
《盛·舞者》

無綫全新綜藝節目《盛.舞者》喺噚晚首播,節目搵嚟麥秋成、狄以達及王君馨做「盛舞導師」,而錢嘉樂、陳凱詠(Jace)及MC FatJoe就擔任主持,而家就同大家睇下網民睇完第一集有咩反應啦!

介紹參賽者影片有誠意
節目一開始就用9分鐘嘅影片去逐一介紹參賽者嘅名稱同埋擅長嘅舞種,影片選擇喺尖沙咀鐘樓附近拍攝,並以一鏡到尾嘅手法拍攝,觀眾們可以一次過睇晒佢哋嘅精湛舞技,結果獲得網民大讚,紛紛留言話:「老老豆豆,呢段片頭拍得幾有feel」、「intro 一個shot 一take過,流暢有動感,幾正!只要其中一個失手又要再拍過!」、「開幕幾好睇」、「一鏡到尾, 正,好睇。」及「TVB來講片頭拍得幾好」等等。

太多無綫藝員參加
今次節目嘅參賽者有唔少喺無綫藝員,例如袁鎮業(Kelvin)、林浩文(小林)、陳苑澄(Tania)、林子超(Andy)、方紹聰(奶仔)及簡家麒(Ken)等等。雖然無綫的確有唔少武林高手,不過網民們就認為藝員過多,留言話:「咁多藝員既」及「其實係咪少人參加 要咁多藝人湊數」等等。另外,亦有唔少網民發現當中有《全民造星》嘅參加者孖8、關嘉敏(卡文)及陳善渝(Odi)。

王君馨做「盛舞導師」惹網民質疑
節目搵嚟麥秋成、狄以達及王君馨做「盛舞導師」,不過唔少網民都認為王君馨未夠資格留言話:「君興跳舞跟本未夠班」、「又話街舞 請王君馨?」、「老老實實導師團掂唔掂」、「王君馨可以做導師咩」及「王君馨自己mv 跳舞都一舊舊 可以做導師咩」等等。

勁似內地節目《這就是街舞》
近年無綫有唔少綜藝節目與內地節目相似,而今次《盛.舞者》都唔例如,唔少網民睇完都話係抄內地節目,例如「係咪抄 這就是街舞」、「呢個好明顯係抄 這就是街舞」及「又抄大陸?」等等。不過亦有網民認為曾志偉同王祖藍上場後,節目已經俾之前多元化,唔係只有烹飪節目。

《盛·舞者》截圖
《盛·舞者》截圖
《盛·舞者》截圖
《盛·舞者》截圖
《盛·舞者》截圖
《盛·舞者》截圖
《盛·舞者》截圖
《盛·舞者》截圖
《盛·舞者》截圖
《盛·舞者》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能