《童時愛上你》首播!陳展鵬好搶戲 劇情被指輕鬆但欠追看性?

《童時愛上你》劇照
《童時愛上你》劇照

TVB新劇《童時愛上你》,搵嚟高海寧、張振朗、陳展鵬、糖妹(黃山怡)、胡楓、袁文傑及楊卓娜等人主演,劇情主要講述富家女Amanda(高海寧飾),因意外由女強人突變回八歲智商,仲同丁宥迎(張振朗飾)假結婚做掩飾。劇集喺噚晚(27日)首播,等我哋一齊睇下網民有咩反應啦~

劇情輕鬆但欠追看性
噚晚首播嘅劇情主要講到化妝界KOL「Ding哥」丁宥迎拍片狠批Double P,品牌主席Amanda(高海寧飾)冇嬲,反而希望邀請Ding哥試用產品做宣傳,可惜連番Ding哥拒絕。Amanda為咗可以同佢合作,竟然不惜落妝俾Ding哥為佢化妝。另外,Raymond(袁文傑飾)認為細妹Amanda想同佢爭做公司主席,希望製造公司危機令自己繼承主席位置,不過咁啱爸爸雷鎮嶽(胡楓飾)被診斷患上認知障礙症,並一早安排Amanda擔任代理主席。唔少網民睇完首集後認為劇情雖然輕鬆但欠追看性,留言話:「荒謬得來又幾好笑,輕鬆一下不敢要求太高」、「高ling扮細路女真係好噁心造作,劇情又老土,肉麻當有趣」、「睇咗開頭2秒,頂唔順,熄電視」、「好無聊」、「感覺少悶」及「零看點」等等。

《童時愛上你》截圖
《童時愛上你》截圖

陳展鵬好搶戲
陳展鵬喺劇中飾演Amanda助理Charlie,除咗單戀Amanda之外,嚟緊仲會同糖妹飾演嘅馬來雅有感情線。唔少網民都認為陳展鵬表現不錯,非常識合做輕鬆小品角色,例如「估唔到展鵬做呢類攪笑輕鬆小品,都幾好喎」、「陳展鵬做得比我想像中好喎好自然。原本我仲諗住佢做呢啲下把位會hea拍添。」、「展鵬暫時搶戲過張振朗」、「​​第一集煎Pan好搶鏡 我都期待佢同糖妹有咩火花」。同時亦有網民認為三位主角有火花,留言話「展鵬、張振朗、高海寧有火花!開開心心一晚!」。

《童時愛上你》截圖
《童時愛上你》截圖

女配角吸引
噚晚劇集首播,網民除咗留意女主角高海寧之外,劇中女配角們同樣備受關注,當中包括飾演辦公室員工Icy嘅李君妍、辦公室員工Gigi嘅鄧伊婷及Raymond老婆Tina嘅尹詩沛。網民們都紛紛留言話佢哋好正同靚女,例如「尹佩詩好正」、「​​有種熟女氣質」、「其實尹詩算靚女」、「暫時唯一亮點係汁汁姐同功夫妹」、「尹詩沛呢個look好正」及「啲女配角都好X正」等等。

《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖

胡楓好精靈又夠中氣
現年90歲嘅胡楓喺劇中飾演Amanda爸爸雷鎮嶽,第一集已經有爆seed鬧阿仔袁文傑,及食假提子被診斷患上認知障礙症,演出非常精彩。唔少網民都大讚佢精靈又夠中氣,例如「胡楓一把年紀仲交到戲,演藝長青樹。」、「90歲都仲咁精靈」、「佢仲鬧得好順口,一輪嘴,叻!」及「90歲仲咁夠中氣」等等。

《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》截圖
《童時愛上你》劇照
《童時愛上你》劇照
《童時愛上你》劇照
《童時愛上你》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能