《聲夢傳奇》冠軍大熱炎明熹獲網民支持:其他參賽者唔同level

《聲夢傳奇》截圖
《聲夢傳奇》截圖

無綫歌唱選秀節目《聲夢傳奇》鬥得得如火如荼,最新播出嘅第9集(12日)以80、90或千禧年代廣東話金曲為主題,進行第五輪比賽,結果藍隊5個回合3勝,紅隊嘅詹天文(Windy)被淘汰。節目中有唔少實力派參賽者,炎明熹(Gigi)、姚焯菲(Chantel)、何晉樂(Rock)及「蓮姐」林君蓮(Kaitlyn)被網民視為大熱人選,當中炎明熹憑住超強唱功及台風獲網民睇好登上冠軍寶座。

年僅16歲嘅炎明熹(Gigi)係藍隊隊長,喺節目中多次發揮超水準,例如《花無雪》、與衛蘭合唱《Million Reasons》、《沒有你還是愛你》及《愛情陷阱》等等。喺最新一集Gigi唱出Jazz版《愛情陷阱》,好聽到連原唱者譚詠麟都大讚佢係不可多得,佢每一次嘅演出都獲得在場評審讚賞。除咗得到評選賞識之外,Gigi更得到唔少網民支持,佢嘅《沒有你還是愛你》節錄片段喺YouTube已經有超過148萬人次點擊,網民仲紛紛留言支持佢,例如「好好聽好有感情 前途無可限量 耳朵懷孕了」、「少數香港人唱live咁穩定,十幾歲大把前途」、「好有感染力,Gigi好有潛質」、「Gigi歌路多原化,形象百變,16歲前途無可限量,真係比其他參賽者唔同level」、「GiGi九成贏了!因為佢係呢班参賽者中係唔同level」及「Gigi唱到唔止係比賽,而係演唱會級數嘅表現」等等。

其實過往無綫都有力捧唔少由選秀節目出身嘅歌手,例如許廷鏗、胡鴻鈞、吳業坤及譚嘉儀等等,呢班歌手都為無綫劇集唱出唔少主題曲,所以網民們開始擔心Gigi,驚佢加入無綫後會以唱劇集主題曲為主,咁樣Gigi好難有其他方面嘅發展,所以佢哋希望TVB珍惜人才。

大家認為邊位參賽者可以與Gigi爭冠軍寶座呢?

《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!