「三料視后」佘詩曼復式豪宅曝光 過億物業遍布港九新界

「三料視后」佘詩曼（阿佘）憑劇集《新聞女王》再創事業巔峰，一舉一動更係備受曯目。從「香港小姐」入行至今逾20年嘅佢，同時更係圈中嘅小富婆，據悉現時剩係喺香港阿佘就已經有5個物業揸手，遍布港九新界外，市值超過一億。而日前，更有網友喺社交網透露自己去阿佘新屋作客嘅同時，仲意外曝光豪宅客廳嘅室內設計。

從相中所見，當日身穿紅色大褸嘅阿佘，下身襯牛仔褲配紅色心形拖鞋，充滿新年嘅節日氣氛，而對於甫文者嘅身份，唔少網友都估計對方係阿佘媽咪嘅好友。而隨着合照曝光，阿佘複式設計嘅豪宅客廳，亦展露無遺，唔止空間廣闊明亮，挑高設計嘅天花板仲掛有華麗嘅吊燈做點綴，整體望落簡潔大方得嚟又充滿溫馨；據知阿佘名下物業分別有北港「維港頌」、跑馬地「紀雲峰」、「紅磡「昇御門」、何文田「皓畋」及西貢南山村嘅相連獨立屋等。