「翻版張栢芝」楊埕大爆娛圈潛規則 點名迪麗熱巴 IG直指自己被誤解

·2 分鐘文章
楊

傅穎(Theresa)日前以「不上位又不上岸,到底想怎樣」為題拍片,直言無法接受以「潛規則」上位,仲坦言自己喺其他人眼中係唔合流嘅藝人。有「翻版張栢芝」之稱嘅退選港姐楊埕近日就表示超認同傅穎所講嘅一切,話自己嚇到跑返落嚟,更加點名迪麗熱巴,引起網民討論。

楊埕2014年參加香港小姐競選,入選16強但因合約問題退賽,2016年入讀中央戲劇學院,曾參與內地綜藝節目《星星美人魚》,近幾年佢就返嚟香港發展,客串過《使徒行者3》、《失憶24小時》等劇集。楊埕直言好多人都問過佢點解唔繼續留喺內地發展,佢就坦言:「要是無底線早就紅了!無人無物的我,嚇到跑返落嚟……」又表示除非好似鄧紫棋(G.E.M.)特別唱得,否則合則來不合則去:「你唔係覺得你演戲好人哋就要俾你上位啊?你看到現時有點名的藝人都『全有後台』不論是背景、男朋友、富豪…名冊一大堆,我夠膽說圈內無秘密,誰不知道誰跟誰?」楊埕亦直接點名迪麗熱巴:「突飛猛進又唔係迪麗熱巴,咁多人唔用用你呢兩三年的新人拍大節目?只是記者無圖/免得罪大人物唔爆。」疑似有影射迪麗熱巴之嫌。

不過,楊埕今日(10日)就喺IG分享短片指自己被誤會,解釋自己超級中意迪麗熱巴,形容迪麗熱巴係女神,所以用佢嘅「美」做例子,指當時嗰句說話係指:「如果你沒有鄧紫棋唱功,又沒有迪麗熱巴那麼美,那沒有特色的話,怎麼紅呢?」楊埕仲直言係因為見到身邊好多靠關係上位嘅例子,所以就有感而發寫咗幾句說話,但分別有媒體就將其中一啲句子放喺標題到,佢仲表示因爲媒體斷章取義令好多網民喺唔同平台鬧佢,但對於媒體同網民留言其實自己無咩感覺:「其實我不太care澄清,只是不想傳到女神那裡,看到會誤解我誤解她。」

楊埕
楊埕
楊埕
楊埕
楊埕
楊埕
迪麗熱巴
迪麗熱巴
GEM鄧紫棋
GEM鄧紫棋

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能