「MIRROR導致婚變關注組」版主受訪 老婆成晚講姜濤成開group理由

·1 分鐘文章

早幾日有網民喺facebook開咗個「我老婆嫁左比MIRROR導致婚姻破裂關注組」,截至今日中午已經有22萬人加入。唔少老公男友都分享另一半瘋狂迷戀MIRROR成員行徑,而版主更加被商台主持森美、小儀同MARCO嘅節目《早霸王》邀請訪問,講下點解要開group。

版主太太係姜糖,行街見到MIRROR嘅嘢就會high爆,有一晚佢同太太出街食飯,點知由出門口開始太太就不斷講起姜濤嘅話題,到食緊飯都仲講緊。版主太太仲同姊妹們「安排」好,各自追唔同成員以免「爭仔」。版主諗起呢班姊妹嘅另一半,應該都有類似經歷,於是就開group「圍爐」,最初只係邀請20個朋友入group。版主仲出post「拋磚引玉」,爆太太想換姜濤代言嘅洗衣機。點知事情一發不可收拾,群組第二晚已經有一萬人加入!

版主話之後「情況失控」,加上廣泛報導,已經有超過20萬人加入,並且分唔到係咪只有鏡粉老公。森美問版主如果花姐開出2個條件,一係送MIRROR演唱會,一係就加入ERROR,二揀一會點揀?版主就話揀入ERROR,仲開口力撐ERROR嘅阿dee(何啟華)。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能