【合照有價】王嘉爾Jackson拖女照令粉絲懷疑戀情曝光 真相原來係.....

韓國男團GOT7香港成員王嘉爾（Jackson）近年專注內地發展，人氣有增無減，早前更獲邀出席有「時尚界奧斯卡」之稱嘅Met Gala，並以LV訂製全黑軍裝風雙排釦短外套、褲子襯靴子、太陽眼鏡、皮手套登上紅地毯，帥爆造型惹熱議。近日王嘉爾正四處遊走舉辦《MAGIC MAN 世界巡迴演唱會》，網上流傳王嘉爾與女生十指緊扣拖手照片，網民一度懷疑王嘉爾戀情曝光，更有網民質疑係咪P圖。

而事實真相原來係王嘉爾演唱會VIP門票嘅福利嚟，每位持VIP門票嘅觀眾都可以和王嘉爾喺後台影相；社交媒體上亦有唔少粉絲分享與王嘉爾合照，當中有抱抱、搭膊頭、比心手勢等親密互動。其中一名女粉絲就回應網民質疑：「怎麼許多人以為是P的，是演唱會VIP 1的合影，價格是8K，俺覺得能合影就很值」，價格令網民震驚及直指「食水深」，該女生就留言表示自己係買黃牛飛，但就無直接回應係咪以人民幣8,000元炒價買飛。

有網民就見到該女生IP地址係喺加拿大，估計佢係睇加拿大溫哥華場，而該場VIP 1門票為加幣 475元，即約人民幣2,470元，包括觀賞演唱會、睇彩排及合照。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！