【電影LOL】Disney+亞太地區節目巡禮 韓劇綜藝最矚目

串流平台Disney+將於11月16日開台,除咗迪士尼旗下包括Marvel、彼思、星球大戰、國家地理同Star等6大品牌作品外,亦會加強原創內容,目標於2023年前能夠推出50部原創劇目!

平台剛剛舉行線上亞太地區節目巡禮(APAC content showcase)率先公布部份原創內容,節目由南韓、內地、日本、台灣、印尼等地製作。其中韓國劇集可謂最矚目,當中有全球人氣女團Blackpink慶祝出道5同年嘅電影Blackpink:The Movie,12月會有成員JISOO首套劇集《雪降花》(Snowdrop),同劇由丁海寅做男主角。

韓國人氣偶像姜丹尼爾處男劇《我們的新紮學堂》(Rookies)亦會於Disney+出現,《我》故事設於韓國精英警察學院,講述青少年成長及戀愛煩惱等。另一套值得留意嘅韓劇《第六感之吻》,由尹啟相及憑《愛的迫降》走紅嘅徐智慧主演,故事講述女主角只要接吻就睇到未來,一次意外錫咗老細一啖,睇到兩人未來發生激情關係嘅愛情喜劇,原著列為19禁,唔知劇集會唔會跟足?

另外仲有長壽綜藝節目Running Man外傳Outrun by Running Man,其中3位元老主持金鍾國、哈哈、池錫辰會參加外傳拍攝。遊戲節目可以出外傳,相信得Running Man可以做到。

日本節目方面以動畫為主,包括Black Rock Shooter:Dawn Fall、少年Jump人氣連載漫畫《夏日時光》(Summer Timer Rendering)動畫版及《四疊半時光機藍調》等。劇集方面則有與TBS電視台合作嘅醫療劇,由鈴木亮平、賀來賢人主演嘅Tokyo MER。

華語節目分別有《正義的算法》,呢套講自我探索嘅喜劇係陳柏霖繼《我可能不會愛你》後再次拍劇。另外有由桂綸鎂、天心、夏于喬、林思宇主演嘅台南北上打拼嘅都市女性劇集《台北女子圖鑑》。周迅及黃磊則帶嚟家庭倫理劇《小敏家》,而憑《延禧攻略》做成煲劇潮嘅金牌監製于正新作《珍饈記》亦會於Disney+亮相。

鍾意荷里活出品嘅朋友,開台日可以於平台欣賞Marvel電影《尚氣與十環傳奇》以及《冰雪奇緣》嘅雪人Olaf全新原創系列短片《Olaf Presents》!

更多電影文章

電影LOL︳今期睇咩戲 - 毒魔:血戰大屠殺/最後絕鬥/永遠比那些笨蛋年輕/龍虎武師/索命女校/小獅與灰狼的夢想日記

電影LOL︳超人之子漫畫出櫃 同志超級英雄登上大銀幕不遠矣?

電影LOL︳《朱古人獎門人》前傳Wonka開鏡 Timothée Chalamet「迎戰」影壇前輩s

電影LOL︳Disney+11.16登陸香港 738蚊年費有咩睇?

電影LOL︳金馬獎入圍名單公布 港片《濁水漂流》獲12項提名

電影LOL︳《毒魔》開畫北美大收 仲有機會加入Marvel宇宙?

電影LOL︳《迷幻列車》外傳拍電視劇 「巴閉」做主角

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載