【電影LOL】超人之子漫畫出櫃 同志超級英雄登上大銀幕不遠矣?

·2 分鐘文章

創作要與時並進,超級英雄都要革新意識形態,擁抱多元。美國DC漫畫於10月11日全國出櫃日(National Coming Out Day)宣布新一代超人Jon Ken為雙性戀。

Jon Ken係邊個?佢就係被拍成無數版本電影嘅超人Clark Kent同記者Lois Lane嘅愛情結晶,Jon繼承父業成為超級英雄,不過佢決意走出新方向,作為「地球之子」,佢唔剩止救人仲關心氣侯變化,亦會就社會不公如遣返難民等議題發聲。

新超人對地球人同事處處關心,難免身心俱疲,好彩得到記者朋友Jay Nakamura嘅關懷及支持,漸漸萌生愛意。兩人將會於11月9日出版Superman: Son of Kal-El系列第5集中,確定情侶關係!

DC同時發布第5集漫畫部份內容,漫畫可見兩人接吻,非常sweet。作者Tom Taylor表示「超人」一向代表希望、真相及公義,隨住時代發展,「超人」象徵意義更廣泛「每個人都需要英雄,更重要係每個人應該係超級英雄身上睇到自己。」

DC創作總監及出版人Jim Lee有感漫畫影響力強大,樂見「新超人」Jon Kent可以搵到真我並為角色發展感到自豪。DC漫畫中第3代「蝙蝠俠」拍檔「羅賓」Tim Drake早在漫畫中確實為雙性戀,動畫Young Justice: Outsiders亦推出咗公開同志身份嘅少年版「水行俠」(Kaldur-ahm)。「新超人」並唔係DC漫畫首個同志角色,不過「超人」喺美國家傳戶曉,今次出櫃意義重大。

荷里活電影近年追求多元、平權,電影中嘅「超級英雄」形象唔再單一得硬漢、天下無敵嘅描述,英雄越嚟越有人味,亦有脆弱嘅時候,相信好快會見到首位同志超級英雄登上大銀幕!

更多電影文章

【電影LOL】今期睇咩戲 荷里活有個耆福黨 / 午夜天鵝 /愛登士家庭2

【電影LOL】《朱古人獎門人》前傳Wonka開鏡 Timothée Chalamet「迎戰」影壇前輩s

【電影LOL】Disney+11.16登陸香港 738蚊年費有咩睇?

【電影LOL】金馬獎入圍名單公布 港片《濁水漂流》獲12項提名

【電影LOL】《毒魔》開畫北美大收 仲有機會加入Marvel宇宙?

【電影LOL】《迷幻列車》外傳拍電視劇 「巴閉」做主角

【電影LOL】拍到片商要賣盤 《007:生死有時》堅持戲院放映有回報 有望打破《復仇者聯盟4》開畫紀錄

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能