一個旅行有幾百個決定 有邊個未錯過呀？ 旅行最seven事件簿

去旅行人生路不熟，無論你係旅行老手定係新手，都總有Seven咗或早知點點點嘅時候。事實上，一個旅行包含幾百個決定，邊會個個都揀得最好呀，有人去錯同名酒店、有人寒冬露營帶錯夏天睡袋等，只要功課做得唔夠又或一個唔好彩，都恨錯難返。近日外國社交網站就邀請各位網民大爆自己做過最蠢豬豬的事，聽落都幾好笑，你地去旅行最seven嘅事又係咩?

1. 比雀嚇到瀨屎
有人話自己試過係郵輪甲板比隻大雀追，嚇到瀨屎，即刻衝入廁所匿埋，匿咗勁耐都唔敢出黎，小編睇個陣就諗起侏羅紀公園入面個男人為咗避條恐龍，匿入廁所個場戲，不過雀同恐龍嘅驚嚇程度差好遠囉！

2. 多手摸鐵板燒枱
有個網民當年7歲第一次去日本人旅行，未見過鐵板燒，覺得張枱銀色好靚又可以煮野食，於是多手摸咗落去，真係諗起都覺痛。

3. 無帶鎖匙出露台
間房有露台，緊係要出去享受下啦！點知有人試過反鎖咗自己係酒店露台，無帶電話，係幾度的氣溫下，等咗幾個鐘隔離露台先有人出現救返佢入去。

4. 瘀爆入錯餐廳
有旅客用Google map諗住搵間沾麵店，由於唔識日文，坐低直接show個電話比人睇食咩麵。點知原來入錯舖頭，店內成班日本人望到佢地實一實，瘀到爆。

5. 火車分體miss班機
歐洲同日本常見「分體火車」，有朋友試過趕住去機場，點知架火車「分體」，結果miss左班機，無奈！

相片來源：liberalartssociety @tumblr