雅虎香港新聞 香港航空恢復派熱餐及甜品！疑影射香港快運「帶食物上機，食埋都OK！」 即睇實行日期及航線
數間航空公司近月改例而引來不少熱議，香港航空今日（7月5日）新公布「熱餐返嚟啦！」疫情以來，香港航空都只提供麵包及飲品，終於落實由7月8日開始，在指定航班恢復派發免費熱食餐點，以及甜品服務，受惠航班包括東京、大阪、馬爾代夫、北京等7條航線。公布新安排同時，香港航空在社交媒體內出彩蛋，公告可自攜餐飲上機，擺明靚抽其他航空公司「沒收葡撻」新聞，網民亦積極回應！
7月8日起恢復免費熱食、甜品供應！7條航線適用、凌晨機除外
香港航空營運東京、大阪、札幌、峇里、馬爾代夫、上海（虹橋機場）、北京（首都國際機場），使用A320及A330飛機之航班（凌晨班次除外），將由下星期一（7月8日）開始恢復免費熱食餐點及甜品服務，大家終於不用「捱麵包」！香港航空還在社交媒體上預告，熱餐款式會每月轉換，同時指香港航空歡迎大家自攜食物上機用餐，絕不沒收。
疑影射香港快運？指可自攜食物上機享用 引發網民熱議
香港航空昨日（7月4日）在Facebook上預告「唔通……就嚟連包都冇得食？」今日即公告恢復飛機餐消息，引起網民積極回應，「係咪之前嘅百福豆腐花」「沖繩幾時有」「幾時攪麵包放題？？」「我每次都食2個」；社交平台帖文更上載影片，疑似「抽水」其他航空公司，外判地勤早前沒收乘客葡撻並擅自食用一事，指大家可購買食物帶上香港航空機上食用，唯避免攜帶熱湯類、花生類及散發強烈氣味的食物上機，而機上亦不會提供食物翻熱服務。
更多相關文章：
香港機場最新貴賓室Kyra Lounge｜開揚落地玻璃窗看飛機升降 任飲特調雞尾酒
出境香港機場不必取出電子用品及液體！7月2日起實行新智能安檢系統
機場快線預辦登機教學｜九龍站重開市區預辦登機！限時送港鐵單程車票 一覽Check in+託運行李程序
國泰航空更新預辦登機時間！起飛前60分鐘停止辦理 市區預辦check-in可慳時間及單程車費？
香港機場交通｜機場快綫車票75折優惠！香港/九龍/青衣單程最平$59起
航空界奧斯卡｜SKYTRAX最佳機場2024出爐！亞洲機場包攬TOP 5 香港機場躍升22級、排第X名
