七仙羽被轟神棍IG長文霸氣反擊 逐點列出預言準確事例:我的認知及功力,早已超出你的想像

七仙羽被轟神棍IG長文霸氣反擊 逐點列出預言準確事例 斥網民用腦諗嘢
七仙羽被轟神棍IG長文霸氣反擊 逐點列出預言準確事例 斥網民用腦諗嘢

玄學家七仙羽(七師傅)早兩年因「譚仔式廣東話」及無厘頭性格令其人氣急升,從而獲得眾多廣告代言和演藝工作機會,包括拍攝葉念琛執導嘅賀歲電影,又被張敬軒邀請成為紅館演唱會嘉賓;七師傅演藝事業得意,但就被唔少網民批評其風水師本業,認為七師傅唔夠專業,甚至覺得佢係神棍一名。日前,七師傅就喺社交網站撰長文,為自己平反。

七師傅細數自己曾預言準確嘅事例,表示當年被媒體問及有關特首、疫情之事,自己與其他大師所預測嘅講法並唔相同,但就一一應驗,例如2017年預測林鄭是特首、2022年1月預測下屆特首係男人、以及4月底接受財經節目訪問時表示第六波疫情將會喺7月前出現。七師傅憶起當時觀眾非常不爽,除咗用「神棍」稱呼佢,仲話佢侮辱財經節目;七師傅就以自己財經知識豐富作出反擊:「我以前做過財經記者,法新社丶TVBS..(還有好多就不說了)知道的財經知識多過你想像,what do u think ?」更表示自己長期喺印度、尼泊爾等地閉關修煉,直斥過往唔用腦思考嘅人需擴闊視野用腦思考:「我的認知及功力,早已超出你的想像。」

最後,七師傅提醒不久將來樓價會跌,建議大家有樓要賣就賣:「因為明年後年.....會發生.....(國安法,不能煽動,所以話到此為止..)想炒樓賺錢丶希望樓市再升丶希望高價出售...只說一句阿彌陀佛Good luck 」

玄學家七仙羽(七師傅)IG
玄學家七仙羽(七師傅)IG
玄學家七仙羽(七師傅)
玄學家七仙羽(七師傅)
玄學家七仙羽(七師傅)
玄學家七仙羽(七師傅)
玄學家七仙羽(七師傅)
玄學家七仙羽(七師傅)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載