雅虎香港新聞 上車要幾多錢？買樓開支一覽表
美國聯儲局再加息，香港金管局跟隨步伐，連大行匯豐都跟，加息周期來臨。
「息魔」來襲，但冀求上車擁有安樂窩者，依然大有人在。
努力儲錢，終於儲到首期，即係上車有望？咪住。
要做業主，點止一成首期？仲有呢啲洗費﹐唔好計漏！
物業買賣印花稅
首次置業的香港永久居民，物業買賣印花稅率較低及易計，按樓價有不同稅率︰
＄300萬至$3,290,320－＄45000（稅率1.5%)+300萬以外款項的10％
$3,290,320至＄400萬 － 樓價2.25%
＄400萬-$4,428,570 -＄90000（稅率2.25%)+400萬以外款項的10％
$4,428,570至＄600萬 － 樓價3%
＄600萬-$672萬－＄180000（稅率3%)+600萬以外款項的10％
$672萬－＄2000萬 － 樓價3.75%
按揭保險費
合資格上車的首次置業人士，可以透過香港按揭證券有限公司的按揭保險，申請樓價8－9成按揭，以減少首期支出。申請人要留意按揭保險的條件，想做9成按揭的話，樓價要在450萬以下，450－600萬的話最多只做8成。而且物業必須為自住，申請人要接受較嚴謹的壓力測試。
按揭保險費根據按揭年期、按揭成數、選擇一次過付清或每年支付而有所不同，約為貸款額 1.15-4.35%不等。而按揭保險費可計入按揭貸款額一併處理，方便業主。
律師費
物業買賣涉及文件往來，當然要有專業人士協助處理。律師費一般由數千元起計，但收費會隨交易情況有所不同，例如樓齡、樓價、是否有業權糾紛等，若個案複雜令處理文件需時，律師費會更高。
代理佣金
如果物業買賣由地產經紀處理，買賣雙方需要付經紀佣金，金額通常為物業成交價1％。
估價不足
新手要留意，銀行承做按揭前對單位估價，未必跟足成交價！例如樓市暢旺時，如果買方以破頂價購入物業，銀行估價未必會跟上升勢。又或者樓齡大等外在因素而估價不足，都有可能令業主需要自行補繳差價。呢筆數可以好大，搞唔掂仲隨時要「撻訂」，傷上加傷！
裝修費
拎到鎖匙，就要開始籌劃新居。如果上手已入住一定時間，更隨時要「大爆」來個大裝修。即使只是蝸居一間，但以近年水平，「大爆」起碼要20－30萬，視乎工程是否包括搭棚換窗、拉電線、換水喉、改間隔等花費較大工序。
＝＝＝＝＝＝＝＝＝＝＝＝＝＝＝＝
睇咁耐，假如要購入一個400萬單位自住，到底開頭需要多少資金？
首期︰＄40萬（假設經壓力測試，可承做9成按揭）
印花稅：＄9萬
按揭保險費：$17.4萬(以選擇浮息按揭、供30年計）
律師費︰＄8000
代理佣金：＄4萬
裝修費︰＄30萬
傢俱電器：＄10萬
合計︰＄111萬2千
儲到呢個數，都只係買樓嘅開始！仲有供樓、水電煤、差餉、管理費等等每個月等緊你！
