中年好聲音︳支嚳儀創業8個月回本 住豪宅兼家庭美滿係人生勝利組

中年好聲音︳支嚳儀創業8個月回本 住豪宅兼家庭美滿係人生勝利組
中年好聲音︳支嚳儀創業8個月回本 住豪宅兼家庭美滿係人生勝利組

TVB《中年好聲音》進行十強戰上半場,被稱為「顏值擔當」嘅支嚳儀(Venus)以高難度歌曲If I Ain’t Got You出戰,雖然被評判認為表現未及之前,但仍然以82分成功出線。年青時曾經希望入行嘅Venus,因為媽媽反對而打消念頭,而家佢事業家庭都得意,仲可以一圓夢想,真係堪稱人生勝利組。

支嚳儀2010年參加過「全球華人新秀歌唱大賽」(網上片段截圖)
支嚳儀2010年參加過「全球華人新秀歌唱大賽」(網上片段截圖)

今年36歲嘅支嚳儀,2010年以原名謝穎,代表美國三藩市參加TVB全球華人新秀歌唱大賽,獲得「網路最具人氣獎」,而嗰屆冠軍係胡鴻鈞。Venus喺《中年好聲音》提到,以前媽咪一路反對佢入行,可能係因為怕佢「玻璃心」唔輸得。雖然做唔成歌手,但係Venus做過NOW TV節目主持以及製片,算係涉足過娛樂圈,並且同女歌手JW(王灝兒)、星級KOL倪晨曦份屬友好。

倪晨曦做姊妹,caption仲寫上「一世姊妹」(來源︰支嚳儀IG@venuschichi)
倪晨曦做姊妹,caption仲寫上「一世姊妹」(來源︰支嚳儀IG@venuschichi)

支嚳儀上一集搵埋媽咪出鏡,疑似屋企嘅環境幾闊落,加上佢IG不時晒出嘅生活照所見,家境應該幾唔錯。Venus 2017年同做攝影師嘅男友結婚,婚禮喺法國舉行,十分夢幻!婚後二人育有一子Joji,囝囝而家都3歲大。

中年好聲音︳支嚳儀創業8個月回本 住豪宅兼家庭美滿係人生勝利組
中年好聲音︳支嚳儀創業8個月回本 住豪宅兼家庭美滿係人生勝利組
中年好聲音︳支嚳儀創業8個月回本 住豪宅兼家庭美滿係人生勝利組
中年好聲音︳支嚳儀創業8個月回本 住豪宅兼家庭美滿係人生勝利組
(來源︰支嚳儀IG@venuschichi)
(來源︰支嚳儀IG@venuschichi)

Venus 唔止要打理家庭,佢仲喺2018年創立自助烘焙平台,協助新手喺屋企整蛋糕。創業念頭源於Venus一次整蛋糕失敗經驗,令佢發現原來香港冇呢類學習平台,兩公婆更飛去台灣試勻當地三十幾間自助烘焙店,再搵團隊研發自家app,甚至連剪片都自己搞掂。呢盤生意反應唔錯,8個月就回本,而且仲擴展到東南亞,Venus更試過生完仔3日就同同事開會。

(來源︰支嚳儀IG@venuschichi)
(來源︰支嚳儀IG@venuschichi)

剛剛好夠資格參加《中年好聲音》,Venus話唔怕媽咪反對,因為「依家結咗婚生咗仔,仲創咗業做老闆,佢唔會唔畀我玩喇,yeah!」。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!