中年好聲音︳龍婷由西洋菜街唱到《流行經典50年》 曾被《東張西望》誤指違反限聚令

中年好聲音︳龍婷由西洋菜街唱到《流行經典50年》 曾被《東張西望》誤指違反限聚令
中年好聲音︳龍婷由西洋菜街唱到《流行經典50年》 曾被《東張西望》誤指違反限聚令

《中年好聲音》十強誕生後,網民已經開始貼決賽人馬心水,「小龍女」龍婷係熱門人選之一,甚至有傳早幾日《中年好聲音》宣傳活動上,龍婷同另一位同樣來自內地嘅大熱門李佳,雙方fans似乎好有「戰意」。龍婷曾經唱贏央視嘅歌唱比賽,又難怪真係被視為勁敵。

中年好聲音︳龍婷由西洋菜街唱到《流行經典50年》 曾被《東張西望》誤指違反限聚令
中年好聲音︳龍婷由西洋菜街唱到《流行經典50年》 曾被《東張西望》誤指違反限聚令
中年好聲音︳龍婷由西洋菜街唱到《流行經典50年》 曾被《東張西望》誤指違反限聚令
中年好聲音︳龍婷由西洋菜街唱到《流行經典50年》 曾被《東張西望》誤指違反限聚令

生於瀋陽嘅龍婷,少年時曾經學舞蹈,十六歲嗰年去廣東省中山實習時,因為聽到陳慧嫻嘅《飄雪》而決定留低,並且轉行唱歌表演。後來龍婷移居香港,2017年開始喺旺角西洋菜街行人專用區表演,因為聲線似鄧麗君,演出片段被放上網而為人認識,「小龍女」呢個名就係嗰時出嚟。不過唱咗一年幾就遇到「殺街」,街頭演出被叫停,而龍婷曾經跟隨所屬歌舞團去酒樓演出。「殺街」無阻龍婷嘅人氣,更因為喺「菜街」嘅演出而被邀請上《流行經典50年》演唱。後來龍婷自己開公司發展音樂事業,會「轉場」到中環busking,2018年更加喺九展Music Zone開個唱,舊年甚至喺西九戲曲中心開show,越搞越大。

中年好聲音︳龍婷由西洋菜街唱到《流行經典50年》 曾被《東張西望》誤指違反限聚令
中年好聲音︳龍婷由西洋菜街唱到《流行經典50年》 曾被《東張西望》誤指違反限聚令

龍婷參加過唔少歌唱比賽,2019年參加中央電視台嘅《星光大道》更成為總冠軍,並因此有機會參加央視春晚。演出之外,龍婷亦會自資製作新歌,原來佢由2019年至今已經推出咗22首單曲,勤力過唔少歌手。

2020年4月新冠疫情初期,TVB《東張西望》播出龍婷喺中環busking嘅網上影片,見到有觀眾聚集聽歌,主持聲稱係防疫「限聚令」實施後拍攝,從而指出有市民罔顧規例。龍婷喺節目播出當晚就發聲明澄清,指TVB播嘅片段係喺「限聚令」生效前2周所拍,而佢從未喺「限聚令」實施後作街頭表演。結果《東張西望》第2日節目尾聲作出澄清以及道歉。

中年好聲音︳龍婷由西洋菜街唱到《流行經典50年》 曾被《東張西望》誤指違反限聚令
中年好聲音︳龍婷由西洋菜街唱到《流行經典50年》 曾被《東張西望》誤指違反限聚令

《中年好聲音》嘅合唱賽安排龍婷同丁文俊合唱之後,緋聞當堂不脛而走,TVB宣傳平台See Saw先仲拍片分頭訪問佢地,睇得出好尷!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!