雅虎香港新聞 中秋好去處｜香港歷史美食團半日遊人均$388起！遊馬灣天后古廟＋燈籠紮作技藝工作坊＋「挪亞方舟」 豐盛閣自助晚餐
中秋節去邊好？可以嚟個好玩又抵食嘅本地遊應應節！KKday 近日推出香港歷史美食團半日遊，人均$388起暢遊馬灣天后古廟，參加燈籠紮作技藝工作坊，以及到「挪亞方舟」 豐盛閣豪歎自助晚餐，單係食buffet已經值回票價，今個中秋節又新著落！
【立即睇】全新 Yahoo Shopping 專頁正式上線，跟貼最新優惠情報！
機票優惠格價平台：
酒店住宿優惠格價平台：
行程及飲食優惠平台：
人均$388起！遊馬灣天后古廟＋燈籠紮作技藝工作坊＋「挪亞方舟」 豐盛閣全自助晚餐
中秋節前假期留喺香港一樣可以食玩歎！KKday 於9月29及30日推出香港歷史美食團半日遊，於下午4時喺荃灣西港鐵站D出口集合，乘搭旅遊巴士前往全球首個根據遠古所載、以一比一比例大小建造嘅「挪亞方舟」，內有方舟花園、方舟博覽館、珍愛地球館、方舟生命教育館等多樣有趣展區；其後再前往馬灣天后古廟參觀，拍攝團體照。
鐘意整手作嘅朋友，下午5時可參加燈籠紮作技藝工作坊，親自製作傳統燈籠，適合6歲或以上小朋友參與。屆時每人會獲贈一份材料包，製作過程相當簡單，小朋友或「手殘」人士都可以輕易駕馭。
晚上6時半重頭戲終於嚟啦！可以到「挪亞方舟」豐盛閣一邊對住海景，一邊大歎自助晚餐。餐廳提供多國美食及熱門冰鎮海鮮，例如有波士頓龍蝦、麵包蟹、青口、日式刺身等，再加上琳瑯滿目嘅精緻甜品如榴槤布甸、法式檸檬撻、柚子綠茶餅等，平日單係食豐盛閣自助晚餐人均都要約$450，依家成個團費 $388包食包玩，真係夠晒抵！提提大家，優惠需於至少出發日前5日預訂，要報名就要趁早！
香港歷史美食團半日遊詳情
參加年齡：3歲或以上
成團人數：15人或以上
出發日期：2023年9月29/ 30日
集合時間及地點：下午16:00 荃灣西港鐵站D出口
解散時間：約晚上20:00
團費包括：馬灣天后古廟、「燈籠」紮作技藝工作坊、「挪亞方舟」 豐盛閣全自助晚餐
價錢：$388
相關文章：
中秋節好去處合集！利東街浪漫綵燈會、維園大型戲棚、最新海濱公園賞月（持續更新）
