亞洲超星團｜粉絲心疼光祐 還原唔見錢真相 對官方公告感心寒

偶像選秀節目《亞洲超星團》被淘汰嘅日藉練習生光祐（Kosuke）有份於上周六（9日）「成團之夜」表演，事後佢喺社交平台自爆於住酒店期間被酒店職員偷咗港幣1千元非常生氣。不過當節目組發聲明表示曾多次聯絡光祐，但對方拒絕溝通，將保留正當維權權利之後，光祐隨即於IG限時動態道歉，指已與節目組協商後續處理辦法。近日事情又有最新發展；有《亞洲超星團》粉絲指心疼光祐唔見錢之餘仲要被罵，以第一目擊者視角發長文還原真相。

該粉絲表示當日凌晨5時左右喺酒店大堂等朋友期間，見到光祐喺前台與酒店工作人員溝通，由於涉及私隱同埋自己唔係光祐粉絲所以都無上前打擾，但半小時後聽到雙方溝通好似出現問題，而且光祐情緒急切，於是主動上前向光祐表示可幫忙翻譯：「這時候他用手機翻譯成中文舉給我看：『酒店的清潔人員偷了我的錢』我當時第一個反應是震撼，第二反應是問飯店員工現在溝通有什麼問題嗎？」粉絲續指光祐指自己飛機就起飛，但筆錢對佢好重要，一定要拿到錢再走：「他說他在前一天晚上出酒店的時候把錢放在了一個袋子裡，那個袋子放在廁所中，他離開酒店的時候有人（應該是酒店保潔）進入他的房間，回來就發現錢消失不見了。」酒店指調查需要多重步驟，建議可先報警處理或先行離開，待有進展就會通知節目組將錢還畀佢；但光祐堅持要拿到錢再走。粉絲又叫光祐聯繫節目組工作人員，點知光祐話聯絡唔到佢哋，又指即使聯絡到都幫唔到忙：「他打開了手機屏幕上是聊天界面也是因為隱私原因我沒有去看他螢幕上的內容，只看到他打開聊天介面，然後他這邊發了很多條訊息但是對面沒有回應。」接著，有一個掛住《亞洲超星團》節目組工作牌嘅人路過，都係無人幫忙。由於光祐嘅航班即將停止辦理登機手續，所以佢就同龍之介前往機場，不過原來節目組無幫佢哋Call車，最後都係由粉絲幫手Call車，又指越南選手都係靠粉絲幫手畀錢先至成功到機場。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！