今日暴雨幾多年一遇? 渠務署:唔係好大,大過黑雨
9.7黑暴後,在政府跨部門記者會上,政務司司長陳國基和署理渠務署署長徐仕基以「500 年一遇」形容該場黑色暴雨,社會譁然。今早(11 日)再有局部地區錄得一小時內 100 米的雨量,徐仕基下午會見傳媒時被問到今日雨量是幾多年一遇,他表示沒有統計,並說「唔係一個好大嘅雨量」。
天文台今日上午在西貢區錄得一小時內高達 100 毫米的雨量,將軍澳及寶琳多處水浸。署理渠務署長徐仕基下午會見傳媒,指出今日的水浸主要是因為「大雨」,雨水把垃圾及樹葉、樹枝沖往雨水渠口,造成淤塞。
「樹葉隨水沖落集水溝致擠塞」
徐仕基說:「其實雨水嘅威力亦都不能夠睇小嘅,佢哋打落去嘅時候,嗰啲樹葉、樹枝,好多時都會被打落來隨住水沖咗去馬路嗰啲集水溝嗰度,引致到一個擠塞嘅情況。以今天將軍澳區為例,其實我哋今日嘅雨量,去到最高雨量係達到每小時 100 毫米嘅,而一般來講,一個黑雨係 70 毫米,亦都係引致水浸嘅一個情況。」
日前長官們輕輕一句「500 年一遇」,連日來成為迷因。今日暴雨再臨,網民都好奇是否「又過了 500 年」?記者趁徐仕基交代雨災時問他,今日的雨量屬幾多年一遇?徐仕基說暫時沒有統計,然後又補充說:「但係通常來講,如果以一個一百毫米嘅雨量,亦都唔係一個好大嘅雨量,但係都係大於一個黑雨嘅雨量嘅。」