【似唔似睇緊HKTV】《不懂撒嬌的女人》畫面風格同其他劇集好唔同?

image

無綫新劇《不懂撒嬌的女人》喺噚晚首播,除左搵嚟離巢多年嘅林文龍同宣萱擔正之外,仲落重本4K拍攝。第一集宣萱帶領一班下屬一邊跑步一邊開會,都用航拍以多角度拍製,再加上飛到上海及台南全實境拍攝,絕對係誠意之作。

套戲好唔好睇就未知,不過睇完第一集,唔少網民都覺得好似睇緊HKTV啲劇集咁。網民仲話「啲畫面靚到竟然有景深嘅感覺!」、「畫面同拍攝手法好似好睇咗」。

其實套戲係由曾經跳槽到HKTV嘅監製關樹明和編審朱鏡祺、劉小群打造,再加上HKTV好多劇都係4K拍攝,所以同HKTV風格有啲似完成唔出奇,再加上拍攝手法唔同左,好明顯睇得出同以往劇集嘅分別。