雅虎香港新聞 何守信前妻歐嘉慧 美國逝世
曾主演近百部影視作品、外號「影壇美人魚」的歐嘉慧日前在美國逝世，好友胡楓、薛家燕等深表哀痛。與何守信有一段短暫婚姻的她，晚年生活幸福美滿，在現任丈夫陪伴下走完人生最後一程。
昔日邵氏粵語片影星、前無綫藝人歐嘉慧，12月26日在美國逝世，享年82歲。前無綫藝員劉緯民表示，透過朋友得悉其死訊，但雙方已10年沒有聯絡。
歐嘉慧於1955年被羅致邵氏旗下，與林鳳、麥基、呂奇等同期出道，因是游泳健將而有「美人魚」稱號，在影壇甚具地位。她於1970年加入無綫，因演出《歡樂今宵》而跟何守信結緣並結婚，可惜婚姻僅維持2年便結束，其後逐漸退出影壇並移居美國。
歐嘉慧的婚姻傳因好姊妹汪明荃介入而告終，由於何與汪各有家庭，令這段緋聞哄動一時！當年2人出雙入對，有次大型活動，男方更緊握女方的手並肩而行，令歐嘉慧十分不滿，傳因而搵汪明荃「傾偈」，期間大打出手，互扯頭髮！1975年，這段婚姻畫上句號，汪明荃亦於1983年宣布離婚，外界以為她與何守信會進一步發展，最終各有所愛。而天生美人胚子的歐嘉慧不乏追求者，曾有裙下之臣一擲千金，建一幢以她命名的半山豪宅，成為一時佳話！
胡楓讚重友情 晚年幸福
與她是多年老友的胡楓表示，對方每次返港都會約大班朋友吃飯：「聽聞喺佢先生扶住佢行嘅時候離世嘅，我哋1年差唔多通電話1、2次，佢生活好幸福，據講佢住嗰個山有5間別墅，有1間係佢嘅。佢有病都好幾年，今次走咗，我哋好多朋友都好唔安樂、好傷心，因為佢對朋友非常好。（咩病？）佢冇講，總括嚟講，佢係好幸福咁過咗晚年！」
另一好友薛家燕受訪時亦不時嘆息：「呢排好多好朋友走咗，好難過。呢幾年冇見，因為太忙，之前每次去都有來往，佢好客氣，會同佢先生出嚟探我哋。細細個就認識佢，佢係我前輩，睇住我大，最後合作係《偷心賊》，希望佢家人節哀順變。」
