佘詩曼林峯相隔9年再合作 余安安爆與陳瀅有共通點

佘詩曼（阿佘）與林峯於2014年劇集《使徒行者》飾演釘姐和爆Seed角色被指演技大爆發，成為觀眾心目中印象深刻嘅劇集CP之一。今年3月份，佘詩曼和林峯亮相內地綜藝節目《我們的客棧》重演當年《使徒行者》經典一幕，令觀眾回憶湧現並期望佢哋可以再有機會合作拍劇。終於，寰亞傳媒6月宣布新劇《家族榮耀之繼承者》將由佘詩曼、林峯、羅子溢（前名：羅仲謙）、羅嘉良、梁靖琪等演員出演，於7月正式開機拍攝。

日前，《家族榮耀之繼承者》劇組慶祝金牌監製梁家樹生日，出席演員包佘詩曼、林峯、羅嘉良、羅子溢、許紹雄、陳靜、陳瀅、余安安、楊瑞麟、吳岱融與太太鍾淑慧等等，佘詩曼與林峯更企埋一齊影合照，另一張大合照中，林峯就高舉寫住「《家族榮耀之繼承者》Good Take！」嘅紙牌，充滿歡樂氣氛。而余安安就PO上載與陳瀅合照，表示發現與陳瀅有共通點，原來二人都係10月22日生日：「適逢我哋嘅總監制梁家樹牛一！一班人一齊慶祝非常開心啊 仲有嗰晚有個開心大發現 ，唔止戲中做我個女仲要係同月同日生日嘅“birthday twins”」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！