佘詩曼鄧萃雯極罕同台演出 粉碎不和傳聞 原來二人仲有呢層關係！

現年48歲嘅佘詩曼早前憑《新聞女王》「Man姐」文慧心一角，以大熱姿態奪得「最佳女主角」、「馬來西亞最喜愛TVB女主角」」及「大灣區最喜愛TVB女主角」，成為TVB史上首位三屆視后。人氣爆燈嘅阿佘工作不斷，經常中港兩地走，上月24日更喺《東方衛視元宵特別節目》亮相，期間仲同昔日有傳不和嘅鄧萃雯同台演出，粉碎不和傳聞。

佘詩曼及鄧萃雯喺過往曾多次合作，包括《酒是故鄉醇》、《金枝慾孽》及《歲月風雲》；同時佢哋亦喺過往《萬千星輝頒獎典禮》中多次爭奪獎項，例如2004年二人同時憑《金枝慾孽》入圍視后，但最終由同劇嘅黎姿奪得；2010年鄧萃雯憑《巾幗梟雄之義海豪情》再度奪得視后寶座，而入圍最佳女主角提名嘅佘詩曼僅獲得「我最喜愛的電視女角色」，當時有媒體捕捉到佘詩曼疑似對鄧萃雯流露出不滿嘅表情，雖然佢有作出解釋，不過二人嘅不和傳聞就未有平息。去到2018年，佘詩曼作客內地節目《魯豫有約一日行》，期間講到喺某一年嘅《萬千星輝頒獎典禮》中，佢試過被一同爭視后嘅女藝員當透明，就算有主動同對方講嘢到冇回應，偵探上身嘅網民紛紛推測呢個人就係鄧萃雯。另外，佘詩曼及鄧萃雯除咗係幕前拍檔之外，原來佢哋仲同係協恩中學畢業生。

佘詩曼早前亮相《東方衛視元宵特別節目》，與昔日有傳不和嘅鄧萃雯同台合唱《分分鐘需要你》，二人不時對望微笑，佘詩曼更多次主動與鄧萃雯拖手，粉碎不和傳聞。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！