雅虎香港新聞 余迪偉信箱：玩交友app的愛情潛規則
余迪偉
迪偉
你好! 我幾年前在酒吧認識了一個男人, 當晚就去左佢屋企上床, 之後一齊左無耐就拜拜！自此就無再聯絡。
到最近, 佢whatsapp我, 其實我無左佢電話好耐, 講番先知係佢。
佢幾次主動約會, 我答認了，第一次去街，大家都好規矩、到第二次約會, 我主動去佢屋企過夜，我地又再次一齊。佢會介紹我比佢朋友、屋企人識, 頭一個月咩都sweet, 一個月後佢慢慢開始好少打電話比我, whatsapp都有嘅！
由於佢工作真的十分忙，我們一星期先見到一次, 佢自己一個人住的，佢亦有比佢屋企鎖匙我，佢累起上來，係屋企都唔會同我講嘢，有時call佢又唔聽，whatsapp又唔覆。女人當然會亂諗，一個事業心重的男人，真的可以連女朋友都唔理，一日一個電話，message都無！我主動揾佢都可以唔覆. 話自己好累，但又打機唔理我。
我有同佢講過我感受，佢叫唔吳好亂諗，佢無其他女人，佢做嘢太忙太累.
我係一個好無安全感嘅人，諗緊佢係無咁愛我了？感情淡左？定真係太忙…？
心情不上不落的人上
心情不上不落的人：
我有一個朋友，在交友平台結識了一個性伴。在未見面時已表明只是要一夜情。那一夜後，朋友說，從未如此快樂過。最重要不只是那一夜牀上的歡愉，而是互相享受完，對方便離開，無需去想翌日醒來自己的樣子如何醜、要否下樓跟對方吃早餐、有興致便傳一個感謝字句給對方罷了……
成人遊戲，一買一賣，你賺我沒蝕。
他們成為固定性伴，雙方都協議不想拍拖，免得煩。
如是者過了約一年後，對方對友人說，想與他進行一些牀上以外的活動，例如出外吃餐飯，看套電影。自此，友人再表明立埸，並不想有情人。他們再沒有見面了。
你可能感到我那位朋友太狠心吧。而我的看法是，他擺明車馬，自知所需及在玩甚麼遊戲。而破壞遊戲規則的是對方。原本是易來易去，無後顧之憂的交易，有甚麼狠心不狠心可言！
你的所謂男友，很明顯根本不想有情人，是你自己硬要在性伴的關係上，加上你幻想會得到的滿足吧，長此下去，你必定會更焦頭爛額。
他暫時絶對只可提供性服務，他想要更多的話，便自然會告訴你，而到時那個女主角，又多數不會是你。
畢竟，女人很難在只有性的關係上獲得滿足，所以你很值得原諒。最重要是你要知道自己是甚麼人，適合玩甚麼遊戲。
余迪偉上
---------------------------------------------------------------------------------------
戀愛問題天天多？假如你有感情問題，歡迎e-mail到cosmo@scmp.com，subject 註明迪偉愛情信箱，一經選中，迪偉會親自回信解答你的戀愛謎團。
作者Profile:
余迪偉，無忌諱！
多媒體表演創作人。紐約科技大學傳播系碩士畢業。生活多爪多棲、冇規冇矩，但有態度。
香港商業電台叱吒903《雙截掍》、有線電視《美食法庭》、Now Tv 《18/22》、SmarTone娛樂台節目主持。
他的文章，不論是關於他，關於她，他和她，他和他，她和她；不論是關於愛，關於情，關於性，都很赤裸，很淋漓！
著作有《一本精華遊》、《筆舉直插》、《筆舉再插》、《筆舉亂插》、《咪戀搞我》、《送給情人的禮物》、《送給情人的急救包》
