雅虎香港新聞 余迪偉信箱：玩家的「愛情遊戲」
余迪偉
Dear 迪偉,
我一直有聽開你的電台,而呢排亦都有留意你的愛情信箱。我亦都估唔到我今日我會有感情煩惱,仲要咁樣求助。
我自己25歲(男), 我諗係由於外形不俗,加上性格十分幽默, 一路以來異性緣不乏, 拍拖時甚至會好自我中心，唔理對方感受，無情趣，出軌都被原諒, 甘願做第三者既亦都有。因此, 我都變成一個係拍拖路上唔肯/唔需要付出既人，每段戀情都靠個女方維繫。而咁樣既相處模式最後都因為個女方最後頂唔順或者我轉伴侶而結束。而我亦都從來唔覺得話冇左邊個唔得。
今次呢段戀情，最後女方因為有第三者介入（未一齊），令佢有左個動力同我提出分手，我初時有挽留，因為其實我心底裏有感情，相處亦都開心，當然唔多唔少有爭玩具既心態。然後係呢段糾纏時期，我突然間好似醒左，發覺原來我一路唔肯付出咁拍拖，呢啲情況都會不斷重覆，亦令我覺得呢段關係令我發現到自己問題，上左好寶貴一課，已經好足夠，都唔再介意佢最後選唔選擇同我一齊，我個日好有衝動去左同佢講呢段感受，加一個小小的禮物。佢亦都感動左,同返我一齊...........
雖然一齊返,卻有一種好陌生, 唔知點相處的感覺,同埋佢都好似冇左PASSION, 畢竟佢之前大心淡過, 而佢行徑亦有明顯既鬼鬼鼠鼠。即使我想唔諗, 但佢咁既反應實在令我好卻步, 我突然間好怕我來緊想付出既, 所做既一切,換來佢最後一句"我地其實都係唔夾,要分開"
迪偉, 我應該用咩心情去處置而家呢個情況既關係? 希望得到你的解答。
Kelvin
Kelvin：
我很欣賞你的坦白。通常有這樣的條件，知道自己在「市場」上多有價值的人，就會理所當然地接受，看不到自己作的孽。至少，你知道及坦白承認自己曾經傷害過多少人。
出來混，殘廢餐吃得多，是要還的。這個世界，永遠有因果循環的道理，你年青貌美力壯時，令多少人流過淚，將來例必要還。信我！
以你這年齡所玩的所謂「愛情遊戲」------來一個，食一個，所玩的，未必是真愛，只是一個不自覺的贏與輸遊戲。而你，一向是贏家。就像你對這女友最終玩坦白，道出自己真心感受，再加小禮物，怎會輸！你很懂得玩。叻仔。所以贏。(我不是說反話)
好了，她似乎已回來你的身邊，但又忽遠忽近。知道為甚麼嗎？我告訴你：不只是你在不自覺地玩佔上風、要贏。她，也不自覺地在玩。而可能，她被你感動時，絶對未想過決志要贏，但她決定與你一起後，你已變成一個她百分百的囊中物，你不再不羈，對她來說，已沒有戲劇性，故事不再悲天憫人，已不再好玩。
你最值得我欣賞的地方，是你自覺，也明白無論怎樣的關係，你也會從中學習，看作一個課題，令自己更進步、長大。她若與你分手，是她仍停留在原地，沒有學過甚麼，拒絕長大。所以，若這事發生，由她去吧，至少你死得值！因為你已更成熟，她不再適合你。
傷過的心，令你上了多課；而被傷害，你必會學上更多。那便是成長。
余迪偉上
---------------------------------------------------------------------------------------
戀愛問題天天多？假如你有感情問題，歡迎e-mail到cosmo@scmp.com，subject 註明迪偉愛情信箱，一經選中，迪偉會親自回信解答你的戀愛謎團。
作者Profile:
余迪偉，無忌諱！
多媒體表演創作人。紐約科技大學傳播系碩士畢業。生活多爪多棲、冇規冇矩，但有態度。商業電台叱咤903《雙截棍》及SmarTone娛樂台節目主持。 著作有《一本精華遊》、《筆舉亂插》、《送給情人的禮物》。
