借魏浚笙Jeffrey新歌交代回復單身? 黃偉文疑似同同性密友Stephen分開
今年攻入樂壇嘅魏浚笙Jeffrey,上星期推出第三首單曲《失約巴黎》,同前兩首一樣都係搵Wyman黃偉文填詞。近年Wyman同唔少新一代歌手合作,亦會喺社交平台發文介紹背後故事幫手宣傳。呢次Wyman都唔例外,幫《失約巴黎》寫咗短文介紹。
不過內文提到「不過也有一些一起追夢到了遠方,關係中途拋錨」、「至於我,我是會繼續的,轉個形式而已,一個人也能擁有實實在在的美好新生活呀」,不免令人聯想到近年移居英國嘅Wyman係咪回復單身。
多年來Wyman都被傳媒拍到,同精神科醫生同性密友Stephen吳偉民出雙入對,今年元旦Wyman第9度奪得叱咤填詞人大獎時,Wyman罕有地公開多謝Stephen,仲話「如果冇佢同我一齊撐住,或者我好早就無力氣寫歌詞」。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!