傳So Ching 退出COLLAR MakerVille今午記者會交代

今日有傳女團COLLAR成員So Ching(蘇芷晴）決定退出，而其所屬公司MakerVille已經通知傳媒，今日下午3點將舉行記者會交代COLLAR最新動向。

退團消息周三（10 日）早上傳出，COLLAR 所屬公司 MakerVille 下午3點緊急舉行記者會交代。經理人 Wing 代表 MakerVille 讀出聲明後，隨即交由 COLLAR 七成員面對傳媒，So Ching 未有現身。隊長 Gao 首先代表 COLLAR 發言，她表示，So Ching 作出了好艱難的決定，「就係退團離開collar，我哋同大家一樣好唔捨得佢。同時見到佢好努力嘗試平行各方面，包括重新踏上舞台嘅生活，希望大家俾空間佢，重新出發，好好過佢平靜自在日子。」

另見報道：So Ching退團｜ Mirror演唱會意外逆轉So Ching演藝事業 一文睇清出道至退團經過

去年MIRROR紅館演唱會發生屏幕墮下事故，So Ching嘅舞蹈員男友阿Mo（李啟言）不幸被擊中受重傷。事發後So Ching立即停工照顧阿Mo，直到今年元旦先至同COLLAR隊友全團現身商台嘅叱咤頒獎禮，獲得觀眾熱烈支持。之後So Ching有限度復工，包括參與COLLAR成團一周年歌曲發佈演出、3月同隊友Winka舉行小型音樂會。而3月底嘅Clockenflap音樂節演出，就係So Ching最後一次出席COLLAR活動。

星期日舉行嘅CHILL CLUB頒獎禮，獲獎嘅COLLAR只有7個人上台，當時隊友解釋So Ching因病缺席，不過當日So Ching喺IG並無交代自己係咪抱恙，亦未見對COLLAR得獎發文講感受。

有報導指，So Ching退團係想有更多時間照顧阿Mo，即使阿Mo同家人都支持So Ching復工，但係佢發現要同時兼顧演出及照顧者身份有困難，於是作出抉擇。另外喺阿Mo受傷後，So Ching偶爾喺社交平台出post抒發，但竟然被網民批評搏同情。上月底So Ching po咗幾張韓國影嘅相，相信係佢出外旅行散心時留影。

而消息傳出後，COLLAR各成員以及團隊官方IG帳戶，一致地無任何更新。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！