內地兩品牌繼承人舉辦豪門婚宴 賭王公子千金都出席 網民：有錢人還是和有錢人玩

內地體育品牌「特步」創辦人丁水波嘅二女、現年27歲嘅丁佳敏，近日與男裝品牌「七匹狼」創辦人周少雄嘅二仔周力源舉行婚禮。佢哋所舉行嘅豪門婚宴邀請超過千人出席，有唔少仲係達官貴人，場面超級盛大，隨即成為微博熱搜話題。

丁佳敏與周力源係青梅竹馬，二人喺前年年中訂婚，並於同年年底領證，有傳禮金高達18億人民幣，而丁佳敏都有喺抖音分享俾伴娘嘅禮物，分別有50毫升嘅貴州茅台及名貴化妝品等等。

佢哋嘅婚禮就係上星期六（1日）喺廈門國際會議中心酒店盛大舉行，場地以粉色及紫色作為佈置主色，感覺非常夢幻及浪漫。當晚有超過千人出席婚宴，當中包括已故賭王四房公子何猷君與超模太太奚夢瑤、細女何超欣，而汪東城及林書豪等人亦有拍片祝賀一對新人。

除咗婚宴成為熱搜話題之外，佢哋嘅事業亦備受網民關注，因為二人均開始接管家族企業，丁佳敏近年為品牌開拓女子系列，仲親自擔任模特兒，而周力源就係家族公司嘅總經理助理，參與營運Karl Lagerfeld嘅中國業務。網民對呢次世紀婚禮都有唔少意見， 整體都覺得二人門當戶對。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！