全民造星4｜打破女團傳統觀念？B4組催淚戲劇《六條金魚》贏A2組甜美跳唱《CandyBall》

《全民造星4》講到明要選女團，但女團到底有啲咩標準？韓團勁歌熱舞加上多年練習生生涯浸出強烈個人風格，日團講究觀眾緣與KAWAII親切感，到底香港又可以建立到一隊咩面貌嘅「本地女團」？

首輪比賽後，大家都暫未理解女團嘅定義到底係咩，又到底係咪頭十名就有得組女團？定係同本地男子組合MIRROR一樣，揀才能同講觀眾緣？第二輪比賽，評判同樣以跳舞為主，out走主打唱歌嘅Emiko，又暴力地out走咗天使小護士Ash，11月25日播放嘅內容，更罕有地B4組憑戲劇《六條金魚》，以4比1票姿態大勝主打「傳統女團」面貌嘅A2少女組，到底嬴在啲咩？而香港女團點樣可以活出獨特生命？

香港女團的走向：青春活力「唱跳女團」VS 以情動人「藝術戲劇」？

講起2000年後最受歡迎女子組合大決鬥，大家一定會諗起紅透半邊天嘅TWINS同埋AT 17，當年TWINS走偶像路線，憑甜美可愛青春外型成為皇牌偶像，而AT 17以才女文青形象同樣低調地極受歡迎，各自撐起半邊天，河水不犯井水。情況就好似被A組導師許廷鏗形容為「糖尿病組合」嘅A2少女組，同埋以戲劇講故事嘅B4組，最後由B4組嬴出，而ViuTV Facebook專頁所發佈嘅精華片段，B4組表演24小時內已經有近5000個讚好，留言亦都一面倒讚賞B4組嘅表現極具心思。ViuTV開台以嚟，一直強調嘅「真誠」同埋「以情動人」，比起大家曾經期待過嘅「八婆惡鬥攻心計」，或者「真誠」就係港產女團能夠殺出嘅新血路。

而A2組《Candy Ball》表演亦被認為係《全民造星4》開播以嚟，「最接近女團」嘅直線抽擊表演，完美地表演出少女應該要有嘅青春活力，小女孩要追夢，去旺角中心買隊服都仲要講價，由甩皮甩骨到舞步齊整，背後花嘅心力都一定唔會少。雖然最後結果都係B4組《六條金魚》勝出，韋羅莎聽到評判投票結果時亦忍唔住自責落淚，主因係真實地被B4組戲劇感動到，但A2組表現亦相當不俗，確實相當難下決定。

B4組勝出，打破咗《全民造星》多年來「藝術風格」一定輸嘅舊格局，真實故事戲劇亦可以嬴得好評，導師梁祖堯亦係Instagram發表感想，表演源起自B4組希望以戲劇表演，再開會大家講出關於「遺憾」嘅故事，而祖堯聽到內科醫生參賽者咖哩嘅真實故事後，花咗15分鐘喺後樓梯寫好劇本再進行排練，結果以藝術戲劇鬥嬴「傳統女團」，就如導師所講，女團選拔未必要一定要有既定框架，香港觀眾對於表演藝術嘅接受程度光譜比想像中大，呢班女仔應該要憑努力殺出新血路。

值得一提嘅係A2組《Candy Ball》表演 YouTube播放率一日就已經多過25,000，比《六條金魚》多近一萬，從而反映大家同樣喜歡《Candy Ball》唱跳表演，香港容納到「唱跳女團」，同樣亦可以欣賞較深層嘅「劇戲藝術」，最後女團成品會係點？相信大家都非常期待，「唱跳女團」VS 「藝術戲劇」？Why not both！

梁祖堯賽後感想（@pumpkinjojoinstagram）

緊貼潮流、購物資訊，就Click入以下連結睇更多啦～

🎉📱Style Facebook：https://www.facebook.com/YahooStyleHK/

🎉📱最新優惠碼/網購攻略：https://yahooshopping.myguide.hk/onlineshopping

潮流熱話：

聖誕禮物2021｜$500實用交換禮物提案！AESOP/Jo Malone 20+件男女通殺禮物套裝

銅鑼灣好去處｜姆明Camping露營主題期間限定店 粉絲入手攬枕、野餐墊兼同姆明合照

Uniqlo秋冬穿搭5類基本款單品！衣櫃服飾不需要多 日本女生都是靠它們來穿出時尚層次

名牌手袋：

Chanel手袋2022早春系列價錢一覽！優雅地叛逆 黑金Flap Bag、雙鏈條WOC成為焦點

BV創意總監Daniel Lee辭任 The Pouch、Cassette Bag 三年間邊款話題手袋值得擁有？

Gucci x Balenciaga世紀聯乘登場！預計極難搶系列「The Hacker Project」時尚達人率先演繹