全民造星4|中性Dru爆冷贏仙氣Yoyo躋身60強 方方比上季成績更差?

·3 分鐘文章
全民造星4|中性Dru爆冷勝仙氣Yoyo躋身60強 方方比上季成績更差?
全民造星4|中性Dru爆冷勝仙氣Yoyo躋身60強 方方比上季成績更差?

ViuTV《全民造星IV》噚晚(11日)最新一集,繼續係99強爭入60強;共有3組參賽者進行比賽,分別係Dru對戰Yoyo、2Ling對戰榛綦,以及方方對戰Marf。黃慧君(花姐)對參賽者有讚有彈,就好似當Dru完成綵排後,花姐表示好想摑佢一巴,而睇完Yoyo表演就話「寧願唔要MIRROR都要佢」,肯定Yoyo嘅實力。

第一組:Dru對戰Yoyo,賽果爆冷?
Dru與Yoyo為第一組對戰嘅人選,Dru一身中性打扮示人,Yoyo就以仙氣純白服裝表演,外型風格上大不同,Dru以《刻在你心底的名字》作為參賽歌,不過就畀評判朱栢康話佢嘅歌聲未能感動到佢;而Yoyo就跳唱高難度歌曲《Lydia》,雖然評判一致大讚,導師梁祖堯都指Yoyo嘅演出係一場專業表演,不過評判卻投晒票畀Dru,Dru進入60強並歸納入梁祖堯組別,而Yoyo就跌入復活區。

《全民造星IV》截圖
《全民造星IV》截圖
《全民造星IV》截圖
《全民造星IV》截圖

第二組:2Ling對戰榛綦,花姐直言唔想畀2Ling入60強?
舞蹈員2Ling以歌曲《未知》參賽,但似乎花姐就唔係好滿意佢嘅表演,認為佢好造作,直指:「俾佢入,我會即刻喺呢度發脾氣」;又喺後台模仿2Ling舞姿。至於有「家燕媽媽最後希望」之稱嘅榛綦就跳唱歌曲《Ain't My Fault》,評判大讚身上喺佢身上搵到鄭融影子,導師許廷鏗就表示:「喺家燕媽媽學院嚟講,佢算好突出。」結果由榛綦勝出,係繼莎莎後,第二位「家燕學徒」成功躋身60強,而2Ling就跌入復活區。

《全民造星IV》截圖
《全民造星IV》截圖
《全民造星IV》截圖
《全民造星IV》截圖

第三組:方方對戰Marf,方方比上季成績更差?
曾喺《全民造星III》晉身20強嘅方方以團隊唱跳《Mulan》應戰,雖然被梁祖堯大讚佢唱功有進步,但朱柏康就表示:「你Sell你個Team係成功嘅,但係你自己嘅話,就遜色咗少少。」至於「翻版炎明熹」Marf就以一段喜感舞蹈演繹《Pass That Dutch》,帶動現場氣氛升向高潮,最後獲評判團一致讚賞,晉級60強並進入許廷鏗隊伍,至於跌入復活區嘅方方就忍唔住落淚,要跳舞隊友安慰。

《全民造星IV》截圖
《全民造星IV》截圖
《全民造星IV》截圖
《全民造星IV》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能