全民造星5︱Nathan臨時退賽嘥咗個位 Lyman大熱奪冠 呢位助陣嘉賓被網民鬧爆

ViuTV選秀真人騷《全民造星V》總決賽喺噚晚（16日）圓滿舉行，由音樂監製Edward Chan﹑伍詠薇、謝安琪﹑黃慧君（花姐）及導演鄭保瑞擔任評判，觀眾透過直播見證冠軍誕生。經過超過3小時嘅比賽後，結果由Lyman Heung（香胤宅）、KC（黃家灝）及亨仔（陳鎮亨）奪得冠亞季軍。睇完成個騷之後，網民們都有唔少意見，而家就同大家睇下啦！

大熱Nathan臨時退賽嘥咗個十強位
2號參賽者Nathan（魏念恩）女友Jessie喺今年5月自殺身亡，有指疑因Nathan參加《全民造星V》工作繁忙，導致二人關係大受影響，Jessie一時諗唔開而選擇輕生。最新就有指Nathan同女友分手後，仍多次向女方借錢，及要求刪除IG所有拍拖證據。去到總決賽前半個鐘，Nathan宣布因私人理由退賽，而同佢一齊表演嘅張進翹（Manson）演出亦被迫取消。唔少網民都紛紛留言鬧爆Nathan嘥咗個十強位及不負責任，例如「佢一早肯退賽，唔打敗過去嘅自己咪唔會哂咗10強一個位」、「Nathan都幾好嘢 最後一刻翹起晒製作組」、「俾人鬧成咁，退賽都應該係正路既發展，不過真係浪費了一個位置」、「其實而家先退好唔負責任 Manson都付出左咁多時間排」、「依加先退真係渣中之渣，一早退送多個入決賽仲好」、「浪費左個位一早比做工佬、kakit、Adams咪好囉」、「－早話佢嘥X咗個位啦！還我Kakit」、「陰公 依家先嚟退賽啲嘢 全部都改唔切」、「Last minutes退賽 不負責任一齊攬炒 附合人設」及「​​累埋Manson.....」等等。

網民大愛Lyman奪冠
由美國返港參賽嘅9號Lyman（香胤宅），由初賽開始已經深得網民喜愛。喺十強表演之前，ViuTV公開觀眾投票走勢，結果Lyman一支獨秀，成為第一位。Lyman首先同Alina合作跳唱《City of Stars》及《Another Day of Sun》，之後再喺獨唱表演跳唱《Cheetah》。經過兩輪回合，評判得分及觀眾投票一同計算後，結果以大熱姿態力壓同分KC成為冠軍。唔少網民都認為lyman實至名歸，紛紛留言恭喜佢，例如「10個嚟講佢係最有個人魅力同觀眾緣嘅」、「超晒班！由99開始已唔同level ！無得輸」、「Lyman 用實力證明」、「Lyman好波，唔係幫佢說話，而係lyman真係唔係同一條起跑線。。。希望lyman加油」、「恭喜Lyman 實至名歸 又有觀眾緣又勁 由頭熱到落尾」、「恭喜Lyman 有才華有觀眾緣, 冠軍實至名歸」、「無懈可擊！無可挑剔！完」、「實至名歸的冠軍」、「眾望所歸 民心所向」、「好開心好開心，Lyman冠軍」及「Lyman真係實至名歸，行出黎已經好有星味，佢兩個表演都好好睇」等等。

姜濤壓軸表演《鏡中鏡》繼續用力掃
《全民造星V 總決賽》大會除咗安排過去四屆嘅師兄師姐跟10強一同進行表演項目之外，作為首屆冠軍嘅姜濤亦以大師兄身份壓軸登場表演《鏡中鏡》。姜濤以一身全黑色造型跳唱《鏡中鏡》，雖然唔少網民認為佢好型及表現出色，留言大讚「真心講 佢今日壯態其實幾好」、「今晚表現OK喎。批評姜濤咪攪到習慣性咁啦！係好就要讚」、「其實就唱得幾穩」、「邊度跌倒，邊度再起返身，勇敢面對問題，呢份係勇氣亦係成長要素，Good」、「姜濤大師兄型爆，好正」及「非常精彩嘅演出！支持姜濤」等等。不過仍然有唔少網民將重點放喺佢身形上面，留言指佢圓潤走樣，例如「嘩好肥」、「雙下巴勁到」、「究竟有冇減過」、「肥腫難分呀」、「唔係準備緊演唱會㗎咩 點解仲係咁肥」、「身型仲係咁漲」及「​​姜濤好似又肥咗」等等。

希晉表演眼前一亮
46號希晉（王希晉）喺總決賽前未算起眼，甚至有人質疑佢入圍10強嘅資格。去到噚晚嘅總決賽，希晉喺與雲浩影（Cloud）合唱《厭惡物圖鑑》及獨唱表演《第二人格》時展示超班唱功，表演令人眼前一亮。唔少網民除咗改投佢一票之外，仲留言大讚佢，例如「希晉值得，進步得有驚喜！有一兩個音差少少，但已好穩，有星味！」、「投票由最尾上到第五都好amazing」、「又係final 救自己既選手，真係sharp左好多」、「唔止好聽，仲好有感情，俾佢感動到！」、「希晉今晚用實力證明自己係十強！之前睇你唔到，對唔住」、「希晉真係超水準，聽到起哂雞皮，高水平」、「希晉真係大癲 另眼相看」、「希晉真係用作品說話」、「希晉追到上14分都好勁 希望有人簽佢 真係幾有potential」及「睇完 直接投希晉 推佢上去 勁過mc」等等。

大馬Karen走曬音好嚇人
《全民造星V 總決賽》安排過去四屆嘅師兄師姐跟10強一同進行表演項目，而Ash就與同樣嚟自大馬嘅龔柯允（Karen）合唱《我們的愛》，不過網民似乎唔係太鍾意佢哋嘅表演，其中一個原因就Karen走音及高音刺耳，紛紛留言表示：「女聲完全蓋晒唔知邊個先係主角」、「走晒音，即刻熄電視」、「好心個女收一收，完全蓋過Ash」、「個表演悶，為嗌而嗌，好煩～」、「衰喺條女到」、「迫害ash」、「馬拉Karen 都仲係淨係識高音大叫，低音完全無聲」、「女把聲刺耳」、「求現場觀眾心理陰影面積」、「好嘈 咩料」、「女聲唔穩 害左Ash」、「條女唱到走音 點搞」、「高音到耳痛」及「求放過我隻耳」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！