全民造星5｜40強名單誕生！白水、阿澤、Chit、樂庭被淘汰 網民戥佢哋唔抵？

ViuTV選秀節目《全民造星V》現正進行得如火如荼，噚晚（12日）播出40強最後一組決賽，結果係蕾安多芬A組獲5盞燈贏Fung莎星辰A組，令「翻版Dee哥」Aaron即時被foul。 第二回合對決完畢後，兩組一共要淘汰15位參賽者，導師們經過痛苦嘅選擇後，「蕾安多芬」嘅阿O、白水、阿澤、Moley、MK、Philip和Andy；「fung莎星辰」嘅樂庭、Jackson、Cho Lewis、Jeffrey、Nickkung、Chit及Howard被淘汰，40強名單正式誕生。

節目播畢，一班網民對淘汰名單甚有意見，尤其係白水、阿澤、Chit及樂庭竟然被淘汰，紛紛留言戥佢哋唔抵，例如「我覺得白水走係最唔合理。」、「完全唔明點解foul白水 和平之前佢跳得好喎」、「Foul埋白水 白水外型係十強料喎」、「白水有外型有人品有實力都foul」、「白水仲要為左團隊表演，放棄solo 機會，唔明點解唔留多佢一回合俾佢表現」、「只替白水不值，顧全大局又比導師覺得收埋自己，好難捉摸囉。教人做人要自私一點？」、「乜料呀 foul呀澤」、「唔明點解會係阿澤」、「竟然係呀澤 呢個估唔到」、「一句到尾，還我阿澤」、「仲想睇呀澤表演囉 搞錯呀foul佢」、「今日樂庭跳得好好, 好突出, 真係唔理解。」、「我唔捨得樂庭呀」、「淨係顏值同跳舞都應該要留啦」、「嬲咗！ 真係唔明， 明明樂庭有得造， 靚仔又後生， 堅唔明！」、「呢round foul人最可惜係Chit」、 「Chit 唱歌算數一數二好聽」 、「Foul阿chit真係r爆頭」、 「咁唱得都out, 明明第一round評判講佢可以開紅館」及「最唔想chit 走」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！