冇美斯冇問題 阿根廷輕鬆贏「玻」

全場坐在後備席做觀眾的球王美斯(Lionel Messi)，樂見衛冕的阿根廷毫不費力，在世盃外南美洲區作客以3比0大炒玻利維亞；跟同日苦戰1比0打敗秘魯的巴西，同是開局兩戰全勝。

上仗射入罰球殺敗厄瓜多爾的美斯，賽後已聲稱疲累所以被提早換走；今場雖然仍有跟隨大軍出征玻利維亞的高原球場，但沒有列入出場名單，只在後備席當「精神領袖」。球隊由「天使」迪馬利亞(Di Maria)升任正選兼戴上隊長臂章，他更在上半場交出2次助攻，造就中場安素費南迪斯(Enzo Fernandez)及左閘泰利亞費高(Nicola Tagliafico)各入一球；加上玻利維亞上半場左閘羅拔圖費南斯(Roberto Fernandez)被逐，客軍在全場14次射門7次中框下，由翼鋒尼高拉斯干沙拉斯(Nicolas Gonzalez)尾段「埋齋」，大勝3球而回。

迪馬利亞賽後說：「能從世上最佳球員手中接過隊長臂章，妙不可言，我非常自豪。」至於攻入「首球」的安素費南迪斯對於首次在全球最高海拔首都拉巴斯出賽說：「我有點哽咽，深深感受到高海拔的比賽，但我適應得好。」

尼馬助攻 巴西絕殺秘魯

至於巴西同樣作客，但贏波卻艱辛得多，上半場兩度吃「詐胡」，全場有威脅射門不多；下半場先後調入兩個「加比爾」捷西斯(Jesus)及馬天尼利(Martinelli)，加強火力，但最終由「雙馬」合作得手，尼馬(Neymar)89分鐘開出角球，中堅馬昆奴斯(Marquinhos)伏兵近柱頂入，1比0打敗秘魯。

原文刊登於 AM730 https://www.am730.com.hk/體育/冇美斯冇問題-阿根廷輕鬆贏-玻-/399799?utm_source=yahoorss&utm_medium=referral