出戰《青春》 感謝陳柏宇助攻 洪韻騏大熱奪冠 唔介意同炎明熹比

HOY TV首個選秀節目《就是青春》圓滿結束，「炎明熹勁敵」洪韻騏以大熱姿態勝出，一直在意被人拿來與炎明熹比較的她，直言「都冇得介意」，做好自己最重要。

《就是青春》前晚進行決賽，經專業評審評分加網上投票後，最終由洪韻騏（Wincy）以大熱姿態勇奪冠軍並獨得10萬元獎金，亞軍及季軍得主分別是張鈊貽（VALC）及康志維（Edmond），至於「Uplive x 就是青春人氣大獎」則由蔡嘉寶（Akina）奪得。

自爆比賽好緊張

賽後Wincy直言滿意自己表現：「已經將自己百分之百發揮出嚟，無悔。」她坦言仍有不足之處，包括需要更多舞台經驗，直言比賽時非常緊張，又感謝嘉賓陳柏宇一直幫助。談到外間經常將她與炎明熹作比較，她坦言最初也頗為在意：「但明白最緊要享受舞台，如果因為其他因素影響表現會好唔抵，每一個舞台對我都好珍貴，所以做好自己最重要。（唔介意其他人繼續將你哋比較？）都冇得介意，佢哋講我都接受囉。」

而亞軍VALC表示要感謝自己：「一路以嚟喺呢個舞台試咗好多唔同嘅嘢，當然今日亦有不足，自己緊張程度好高，要再做好啲基本功。」至於季軍Edmond對成績感滿意，覺得對自己已有交代：「對於我哋呢啲素人嚟講，可以同歌手合唱已經係好難得。」