出關飛韓國食玩買 游嘉欣零下20度水着遊仙境

游嘉欣在韓國過了一個白色新年。
游嘉欣在韓國過了一個白色新年。

游嘉欣日前到韓國旅行,更去了江原道初嘗住樹屋滋味,該處有室內泳池,她在零下20度的「仙境」下穿水着晒身材滲仙氣。

無綫小花游嘉欣拍畢劇集《羅密歐與祝英台》後,趁未入劇組,與中學同學去了韓國旅行,今次她不是選擇首爾,反而去了較偏遠的江原道,一班年輕人去滑雪、放煙花,更去了江南的樹屋,該處環境美得如仙境一樣,嘉欣更穿着泳衣大晒美好身材:「嗰個山頭有好幾間屋都係嗰度啲人以20幾年時間用木頭造,裏面仲有室內泳池,入到去煙霧瀰漫,十足仙境咁!我都想喺嗰度住多幾日。」

嘉欣日前受訪時說:「因為好耐冇出國,又好想買嘢,女仔梗係想買化妝品啦!今個Trip試咗好多過往未試過嘅嘢,咁啱我哋去嗰幾日超級凍,有幾日仲係零下20幾度,淨係褲我都着咗4條,上身5件起,不過今次係我第一次見到飄雪,好開心過咗一個美好嘅白色新年。」

凍到冇眼睇靚仔

問到去韓國有否艷遇?她笑言:「我本身都諗住去到韓國一定會見到靚仔,但去到我已經凍到乜都睇唔到,我只係不停低頭係咁行,實在太大風,一抬起頭就食風,基本上我都冇乜點望過啲路人。」她笑言此行吃了不少美食,說到有否增磅時,她謂:「咁又冇喎!好神奇地同我出發時體重一樣。」

游嘉欣着泳衣騷Body!
游嘉欣着泳衣騷Body!
游嘉欣唔怕凍,滑雪玩餐飽。
游嘉欣唔怕凍,滑雪玩餐飽。