前主播麥詩敏爆TVB新聞部出鏡衫「有臭狐味着完痕痕哋」為慳錢淘寶深水埗買平衫

麥詩敏唔做主播後專心搞婚禮
麥詩敏唔做主播後專心搞婚禮

因為報新聞時讀「中東呼吸綜合症」食螺絲而「一戰成名」嘅TVB靚女主播麥詩敏Gloria,今年6月離開主播台,而家全力籌備婚禮,同拍拖多年男友準備拉埋天窗。

麥詩敏同拍拖多年嘅大學師兄準備拉埋天窗
麥詩敏同拍拖多年嘅大學師兄準備拉埋天窗

Gloria而家不時喺 IG拍片講下主播回憶。女主播出鏡要斯文得體之餘又要靚,麥詩敏早排就分享出鏡造型內幕。原來同戲服一樣,大台主播都有服裝提供,有時仲係大牌子。不過有天堂自然有地獄,Gloria就話有時會得到啲唔啱身或者款式唔好嘅衫,最慘係佢話「試過着完個身痕痕哋,或者有陣臭狐味」!究竟邊個係大台主播「小狐仙」?

搞婚禮以外,麥詩敏仲拍片講下主播生涯
搞婚禮以外,麥詩敏仲拍片講下主播生涯
麥詩敏承認為慳錢會去淘寶同深水埗買平衫
麥詩敏承認為慳錢會去淘寶同深水埗買平衫
麥詩敏大爆TVB新聞部共用嘅出鏡衫「有臭狐味,着完痕痕哋」
麥詩敏大爆TVB新聞部共用嘅出鏡衫「有臭狐味,着完痕痕哋」

因此,好多時主播都有私伙衫,麥詩敏做咗8年,自言「儲埋儲埋都唔少」,甚至屋企有個衣帽間俾佢用。咁咪要倒貼?麥詩敏自嘲「由於我個人比較cheap,一係淘寶,一係深水埗」,甚至介紹自己過去出鏡look嘅衣著出處,仲配埋淘寶嘅介紹圖,而且好大方咁話有啲衫只需15蚊,仲讚四五十蚊嘅「著嚟過鏡都唔錯」。

呢啲造型都係淘嘅
呢啲造型都係淘嘅
仲貼埋訂單張圖
仲貼埋訂單張圖

之前麥詩敏都分享過當年主持《香港早晨》嘅返工流程,原來前一晚8點鐘就要瞓!第朝3點半就要起身梳洗再坐車返TVB,4點3化妝整頭同準備,到5點搭10就入廠準備,6點正式做節目。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!