劉德華父親劉禮設靈 一家三口送別 11歲劉向蕙暴風式成長

天王劉德華爸爸劉禮喺上月20日離世，享年97歲，並於今日在北角香港殯儀館設靈，據知喪禮以佛教儀式進行，除咗供親友弔唁，而「華仔天地」400位會員亦獲安排進入靈堂弔唁。

著上全黑色西裝及戴上口罩嘅劉德華今午12點乘坐保母車到達靈堂打點，而老婆朱麗倩及囡囡劉向蕙（Hanna）則於下午2點15分到達，劉德華喺工作人員們嘅陪同下步出殯儀館，行去附近路口接老婆及囡囡，右手拖住老婆，而左手就拖住囡囡，期間更與囡囡細聲談話。現年11歲嘅Hanna留有一頭長髮，兼同樣以一身黑色造型及戴上口罩現身，暴風長高嘅佢高度已經去到爸爸嘅肩膊，少女味濃。

另外，胡楓、謝霆鋒、容祖兒、葉振棠、郭富城及任賢齊等一班圈中好友，紛紛送上花牌致哀。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！