區議會選舉｜黃大仙選民：唔認得候選人 靠感覺投票

上屆由民主派勝出所有區議會議席的黃大仙區，當年累計投票率為 70.35%。《Yahoo 新聞》記者今日下午分別到了屬於黃大仙東選區的票站龍翔官立中學、黃大仙官立小學，現場所見前往投票的大多為中、老年人士，年輕選民則較為罕見。截至下午 4 時 30 分，黃大仙區的累計投票率為 20.18%，較上屆同時段累計投票率（50.12%）低逾一半。

55 歲的羅女士過往也有在區議會選舉中投票，她指上屆選舉排隊近 30 分鐘才能投票，今日則不需要輪候，「今日呢個時間唔多人，咁樣好好，上屆好多人，排隊排好耐」。羅女士指前來投票的原因是「自己開心咪投票囉」。當問到是否能認到該區的各個候選人時，羅女士表示「我唔認得，但我睇到呢個人感覺有幫助人，就蓋個印落去囉，靠我自己嘅感覺。」她指對於今屆的候選人並不熟悉，「好少睇到。」

70 多歲的謝婆婆指自己之前住在將軍澳，過往也有在區議會選舉投票，今年才成為黃大仙區的選民，記者問及今日投票的原因時，謝婆婆表示「自己鍾意，鍾意投畀邊個就邊個，好簡單。」她認為今年選舉的宣傳氣氛濃烈，「有好多人宣傳。」謝婆婆表示很快就已經完成投票程序，不需要輪候，「次次投票都好快㗎，香港投票最簡單。」對於揀選候選人的準則，謝婆婆笑言「自己覺得鍾意咪投邊個。」

90 後的賴先生及賴太太表示今日放假，「所以順便過嚟投票。」上屆也有投票的他們表示，「上屆印象就多人啲，唔知係咪因為嚟嘅時間唔同，呢個時間人就無咁多，唔知係佢哋做咗分流定係點。」

賴先生認為今屆選舉的安排上沒有相差太遠，惟選區則有很大差別，「往年有 10 幾個選區，依家只有黃大仙東同西。」賴生先又指，自己揀選候選人的準則跟以往一樣，「都係跟返佢嘅政綱同埋係咪真係為返本區去做嘢，都睇返佢過往有無做實質嘅嘢出嚟。」賴太補充指，「為市民所需囉。」