十八年後的終極告白2.0|阮兒被網民質疑整容 外貌同拍《金宵大廈》嗰時有分別?

阮兒
阮兒

TVB劇集《十八年後的終極告白2.0》劇情越來越緊湊,早前講到姚尚謙(譚俊彥飾)及莊銳婷(譚凱琪飾)被神秘人跟蹤,及從中意圖破壞佢哋嘅夫妻關係,而呢位神秘人終於曝光,原來就係莊銳婷助手Kammy(阮兒飾)。

阮兒喺《十八年後的終極告白2.0》飾演莊銳婷助手Kammy,佢認為莊銳婷同姚尚謙結婚後變得截然不同、判若兩人,經常對佢呼呼喝喝兼怒摑,仲認為對狗好過對佢。佢首先跟蹤莊銳婷,並影低佢同Jacky(易宇航飾)喺房門外親密擁抱嘅相片,之後send俾姚尚謙。之後,Kammy再跟蹤姚尚謙,仲偷偷地報料俾莊銳婷,但佢哋兩公婆互不信任。最後姚尚謙及莊銳婷發現呢位神秘人就係Kammy,而莊銳婷仲話要解僱佢,Kammy其後情緒激動,拎出𠝹刀話要與莊銳婷同歸於盡,不過最後事敗逃去,劇情亦未有交代其去向。

現年34歲嘅阮兒係荷蘭籍中越混血兒,喺當地修讀珠寶設計專上課程後,便回港發展並參加2006年香港小姐。雖然佢最終落選,不過成功簽約無綫。喺入行初期,阮兒演出機會唔多,其後被安排與林泳淘、周麗欣、羅錦慧及Jasie Ho組成組合「Lacee Lacey」,不過未出碟公司就倒閉,女團亦遭到解散。兩年後阮兒重返無綫,除咗為《3日2夜》、《蒲·世界》及《駕到去歐洲》等節目擔任主持之外,佢亦參與唔少劇集拍攝,例如《愛·回家》、《殭》、《過街英雄》、《一笑渡凡間》、《《十八年後的終極告白》》及《金宵大廈》等等,當中憑《金宵大廈》中飾演同性戀妓女莎莎,成功備受網民關注。

阮兒今次喺《十八年後的終極告白2.0》中戲份不少,成功獲得網民關注,不過有網民就認為佢個樣同拍《金宵大廈》嗰時有分別,仲質疑佢有「整容」,留言「阮兒係咪整容? 明明之前好索,《金宵大廈》舞女造型眼前一亮。到《金宵大廈2》已經覺得佢怪怪地,呢套更加明顯。」及「個鼻咁 係咪整容失敗」等等。

《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《十八年後的終極告白2.0》截圖
《金宵大廈》阮兒 & 尹詩沛
《金宵大廈》阮兒 & 尹詩沛
阮兒
阮兒
阮兒
阮兒
阮兒
阮兒
阮兒
阮兒
阮兒
阮兒
阮兒
阮兒
阮兒
阮兒

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能