【台灣酒店比併】3大台中新酒店 邊間方便又抵住?

Yahoo 旅遊

台中永遠唔係香港人首選,不過其實不知不覺間台中已經變天,唔少文藝氣息嘅景點都相繼出現,作為最多文青嘅香港,台中其實好多地方啱玩!今日介紹3間台中新開酒店,先幫你哋解決住宿問題。

近夜市懷舊酒店:余舍行旅

6月開幕,主打精品路線,賣點係地理位置好,行20分鐘就到台中最大逢甲夜市,10分鐘行到新光三越、秋虹谷、國家歌劇院等著名景點。酒店走懷舊奢華風,令人感覺如走進古式大宅,連客房浴缸都係用古式木桶!另一賣點係自助早餐好出名,有牛小排、海蝦干貝粥、松露燉飯等!

入住報告

舒適度:****(以5星為滿分)

客房有唔少遠望大肚山靚景;配有智能電器,非常先進;另外有唔少親子主題房,配以帳篷等小朋友最愛配置。

設施:****

作為精品酒店,本來無乜期望,但原來都有唔少好嘢,酒店有一大花園草坪,有唔少小朋友遊樂設施,例如射箭、草球等。

抵住度:*****

11月入住價連稅約7百;可以話超值,仲已經包埋兩位早餐!

余舍行旅

預訂:按這裡

國際名牌:萬楓酒店

作為著名酒店集團Marriot旗下品牌,萬楓唔同萬怡、萬豪,萬楓係走商務路線,價錢親民但水準一樣高!酒店主要以雙人房為主,面積大而且唔同房間格局有所不一,設計以日式簡約為主,以木、雲台為主,感覺溫暖。

入住報告

舒適度:*****(以5星為滿分)

一切水準都合乎Marriot品牌,油木地板加上暗黃燈光令人尤如返屋企一樣,好舒服!

設施:*****

頂級設施,例如日式智能廁所、雪櫃等,客房面積特大,55吋大電影、全身鏡等都全部有齊 。

抵住度:****

11月入住價連稅約9百,Marriot呢個品牌已經值回票價,仲要係新酒店,抵!

台中萬楓酒店

預訂:按這裡

創意玩味十足:鳥人創意旅店

台中最有玩味及設計感嘅酒店,一開即成為網上熱話;酒店房間有不同主題,包括海底洞穴、沙漠、復古等,而且客房面積大,最細一間都大830呎!酒店由設計奬得主團隊負責,連帶外型尤如發光鳥巢,夜晚燈光全開,平身就已經成為一個景點!

入住報告

舒適度:***(以5星為滿分)

酒店賣計設玩味,未必有太多豪華設施,不過33間房各有不同設計,某程度上舒適度各有不同。

設施:****

玩味十足嘅創意酒店,每間主題房都有相對設施,非常認真絕不馬虎,難怪成為KOL打卡熱點!

抵住度:****

11月入住價連稅約8百,但由於只有33間房加上太受歡迎,長期爆滿,要預早3個月Book。

台中鳥人創意旅店

預訂:按這裡

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊

你可能還想看